Jambyl oblysynda 16 mln teńge jymqyrǵan sport mektebiniń qyzmetkerleri sottaldy
Merki aýdany prokýratýrasy Merki aýdany №16 balalar men jasóspirimder sport mektebiniń laýazymdy adamdary qyzmettik jaǵdaıyn paıdalanyp, basqa da tulǵalardyń kómektesýimen asa iri mólsherde bıýdjet qarjysyn jymqyrý faktisin anyqtady.
Memlekettik qyzmetshilerdiń qylmystyq áreketteri jastar arasynda sportty damytýǵa bólingen bıýdjet qarajatyn jumsaý zańdylyǵyn tekserý nátıjesinde áshkerelendi, dep habarlaıdy Kazinform Jambyl oblystyq prokýratýrasynyń baspasóz qyzmetine silteme jasap.
Sheneýnikter bıýdjet qarjysyn jetkizilmegen taýarlar men kórsetilmegen qyzmetter úshin aýdarý arqyly jymqyrǵany anyqtaldy.
ıAǵnı, 2020 jyldyń 29-shy aqpanynda №16 Sport mektebi maketter jasaý jáne metall qurylǵylaryn daıyndaý úshin jalpy quny 2 mln teńgeden asatyn somany jetkizýshige tólegen, alaıda sońǵy atalǵan jumystardy múldem oryndamaı, bıýdjet qarajatyn №16 Sport mektebiniń laýazymdy tulǵalarynyń ótinishteri boıynsha qolma-qol aqshaǵa aılandyrǵan jáne óziniń qyzmeti úshin jalpy sommadan 10% alyp otyrǵan.
Qylmystyq áreketter nátıjesinde memleketke keltirilgen zalal 16 mln teńgeden astam somany qurady.
2022 jyldyń 10-shy qazany kúni bul faktini Merki aýdany prokýratýrasy QR QK-niń 189-baby 4-bóligi 2-tarmaǵy boıynsha sotqa deıingi tergeýdiń biryńǵaı tizilimin tirkep, oblys prokýratýranyń Sotqa deıingi tergeý basqarmasy tergedi.
Tergep-tekserý nátıjesinde 7 adamǵa qatysty qylmystyq is sotqa máni boıynsha qaraý úshin jiberildi.
2023 jyldyń 3-shi qarashasy kúni Merki aýdandyq sotynyń úkimimen №16 balalar men jasóspirimder sport mektebiniń dırektory men burynǵy dırektory bas esepshi memlekettik qyzmet atqarý quqyǵynan ómir boıyna aıyra otyryp, 3,5 jyldan 7 jylǵa deıin bas bostandyǵynan aıyrýǵa jáne 4 kómektesýshi memlekettik qyzmet atqarý quqyǵynan 10 jylǵa aıyra otyryp 2 jyl 6 aıǵa bas bostandyǵynan aıyrýǵa sottaldy.
Qylmystyq is boıynsha 6,7 mln teńge keltirilgen shyǵyn óteldi.
Úkim zańdy kúshine engen joq.
