Jambyl oblysynda 155 ret jol erejesin buzǵan júrgizýshi jaýapqa tartyldy

TARAZ.KAZINFORM - Jambyl oblysynda 155 ret jol erejesin buzǵan júrgizýshi jaýapqa tartyldy, – dep habarlaıdy Polisia.kz.

Jambyl oblysy PD ákimshilik polıtsııa basqarmasy qyzmetkerleri «Qorǵaý» avtomattandyrylǵan júıesiniń kómegimen jol júrisi erejelerin 155 ret óreskel jáne júıeli túrde buzyp kelgen Toyota Camry avtokóliginiń júrgizýshisin anyqtady. Quqyq buzýshy ózge jol qatysýshylarynyń ómirine qaýip tóndire otyryp, 126 ret ádeıi jyldamdyqty asyrǵan.

Sondaı-aq 29 ret jol belgileri talaptaryn saqtamaǵan. Jaýapkershilikten qashyp júrgen júrgizýshiniń jol qozǵalysy erejelerin elemeýi jyldyń basynda da jalǵasqan. 2026 jyldyń qańtar aıynyń 16 kúninde ol 18 ret jol erejesin buzǵan.

Júrgizýshi QR ÁQBtK-niń 592 jáne 601-baptarymen ákimshilik jaýapqa tartyldy. Kólik aıyp turaǵyna qoıyldy.

Polıtsııa jol qozǵalysy erejelerin qasaqana jáne júıeli túrde buzý jol-kólik oqıǵalaryna tikeleı qaýip tóndiretinin eskertti. Sonymen qatar júrgizýshilerdi zań talaptaryn saqtaýǵa jáne óz ómiri men ózgeniń qaýipsizdigine jaýapkershilikpen qaraýǵa shaqyrdy.

Buǵan deıin 66 ret jol erejesin buzǵan qyzylordalyqqa 2 mln teńgeden astam aıyppul salynǵanyn jazǵan edik.

Qaraǵandylyq áıel 30 jylda birde-bir ret jol erejesin buzbaǵan.