Jambyl oblysynda 1,5 mlrd teńgege jóndelgen 112 joldyń jaramdylyq merzimi kórsetilmegen
ASTANA. KAZINFORM - Sybaılas jemqorlyqqa qarsy qyzmet avtomobıl joldarynyń qurylysyn qarjylandyrý salasyndaǵy jemqorlyq táýekelderine syrtqy taldaý júrgizýde.
QR Sybaılas jemqorlyqqa qarsy is-qımyl agenttigi baspasóz qyzmetiniń habarlaýynsha, júrgizilip jatqan jumys sheńberinde eleýli jemqorlyq táýekelderi anyqtaldy.
Máselen, Jambyl oblysynda 2020-2024 jyldary aralyǵynda jalpy somasy 1,5 mlrd teńgege 112 joldy ortasha jóndeý jónindegi sharttarda mindetti kepildik merzimderi kórsetilmegen. Bul merdigerlerge yqtımal aqaýlardy joıý úshin jaýapkershilikten jaltarýǵa múmkindik berdi.
Sybaılas jemqorlyqqa qarsy qyzmettiń usynysy boıynsha tapsyrys berýshiler merdigerlermen qosymsha sharttar jasasty, atalǵan obektiler boıynsha kepildik merzimderin eki jylǵa belgiledi.
Budan basqa, toǵyz aýyldyq okrýgtiń ákimderi avtomobıl joldaryn salý normalaryn saqtamaǵany úshin tártiptik jaýapkershilikke tartyldy.
«Kepildik merzimderin belgileý oryndalatyn jumystardyń sapasyn arttyrýǵa múmkindik beredi, sebebi osy kezeńde merdigerler anyqtalǵan aqaýlardy óz esebinen joıýǵa mindetti bolady»-delingen habarlamada.
