Jambyl oblysynda 108 mln teńge bıýdjet qarajatyn jymqyrý deregi anyqtaldy
ASTANA. KAZINFORM – Jambyl oblysynyń Merki aýdanynda prokýrorlar 100 mln teńgeden astam memlekettik qarajattyń zańsyz jumsalý faktisin anyqtady.
Prokýratýra málimetinshe, aýdandyq ákimdiktiń sáýlet, qala qurylysy jáne qurylys bólimi tarapynan bıýdjet qarajatynyń jumsalýyna taldaý júrgizilgen.
– Taldaý nátıjesinde memleketke 108 mln teńge kóleminde zalal keltirilgeni anyqtaldy. Atap aıtqanda, bólim Myńqazan aýylyndaǵy turǵyn úı massıvine elektr jelilerin salý jobasy boıynsha is júzinde oryndalmaǵan jumystar úshin merdiger uıymǵa qarajat aýdarǵan, – delingen habarlamada.
Atalǵan derek boıynsha 2026 jylǵy 30 naýryzda Qylmystyq kodekstiń 189-baby 4-bóligi 2-tarmaǵy boıynsha sotqa deıingi tergep-tekserý bastalǵan.
– Qylmystyq is odan ári tergeý júrgizý úshin UQK-niń Jambyl oblysy boıynsha departamentine joldandy. Qazirgi ýaqytta sotqa deıingi tergep-tekserý júrgizilýde, – dep habarlady prokýratýra.
QR Qylmystyq-protsestik kodeksiniń 201-babyna sáıkes ózge aqparat jarııa etýge jatpaıdy.
Aıta keteıik, 1 mln dollar jymqyrǵan kúdikti Germanııada ustalyp, elge qaıtaryldy.
