Jambyl oblysynda 100 keliden astam marıhýana tárkilendi
ASTANA. KAZINFORM – QR Іshki ister mınıstrligi «Zań men tártip» qaǵıdasy aıasyndaǵy jumysty jalǵastyryp jatyr, dep habarlaıdy Polisia.kz.
Jambyl oblysy aýmaǵynda júrgizilgen uzaq merzimdi jedel-izdestirý is-sharalary barysynda kannabıs tobyna jatatyn esirtki zattaryn asa iri kólemde ótkizýmen aınalysqan tórt turǵynnan quralǵan qylmystyq toptyń qyzmeti toqtatyldy.
Kúdiktilerdiń turǵylyqty mekenjaılarynda júrgizilgen tintý nátıjesinde 100 keliden astam keptirilgen marıhýana, 2 keliden astam gashısh jáne kannabıs shaıyry tárkilendi.
- Atalǵan derek boıynsha QR Qylmystyq kodeksiniń 297-babynyń 3-bóligi negizinde sotqa deıingi tergep-tekserý bastaldy. Bul baptyń sanktsııasy 12 jylǵa deıin bas bostandyǵynan aıyrý jazasyn kózdeıdi.
Qazirgi ýaqytta ustalǵan tulǵalarǵa qatysty esirtki zattaryn ótkizý boıynsha qosymsha 7 fakt anyqtalyp jatyr. Sondaı-aq esirtki jetkizý arnalarynyń ózge óńirlerge baǵyttalǵan joldary belgilenýde, - delingen aqparatta.
Barlyq kúdiktiler ýaqytsha ustaý ızolıatoryna qamaldy. Bul baǵyttaǵy jumys jalǵasyp jatyr.
Aıta keteıik, Shymkentte iri esirtki shemasyna qatysy bar 17 adam sottalyp, bireýi aqtaldy.