Jambyl oblysynan Almatyǵa 113 keli esirtki jetkizgen aǵaıyndylar ustaldy
ALMATY. KAZINFORM — Almatyda Jambyl oblysynan esirtki jetkizý arnasynyń joly kesildi.
Qalalyq polıtsııa departamentiniń málimetinshe, tártip saqshylary 113 keliden astam esirtki zatyn tárkilep, buǵan deıin esirtki qylmystary úshin sottalǵan aǵaıyndy azamattardy ustady.
— Alataý aýdanynda arnaıy jasaqtyń qoldaýymen Jambyl oblysynyń eki turǵyny ustaldy. Úı aýmaǵyn tekserý kezinde ósimdik tektes zattar jasyrylǵan oryndar anyqtaldy. Polıtsııa eki qorap pen úsh paket esirtki zatyn, sondaı-aq kannabıs tobyna jatatyn 26 túp ósimdikti tárkiledi, — dep habarlady polıtsııadan.
Saraptama qorytyndysy boıynsha tárkilengen zattardyń arasynda 100 keliden astam keptirilgen marıhýana men 13 keliden astam gashısh bolǵan. Esirtkiniń jalpy salmaǵy 113 keliden asty.
Qazir eki kúdikti de ýaqytsha ustaý ızolıatoryna qamalǵan. Polıtsııa esirtki jetkizý arnasyna qatysy bolýy múmkin ózge de adamdardy anyqtap jatyr.
Eske salaıyq, buǵan deıin Almaty polıtsııasy qaladaǵy ýnıversıtetterge bomba qoıylǵany týraly aqparatty tekserdi.
