Jambyl oblysynda polıtseı qyzmettik mindetin atqarý kezinde qaza tapty

TARAZ. KAZINFORM – Jambyl oblysy PD patrýldik polıtsııa batalonynyń aǵa ınspektory Úshkempir Abaı Baqytbekuly 12 aqpan kúni aýrýhananyń jansaqtaý bóliminde kóz jumdy.

11 aqpan kúni saǵat 19:40-ta «Almaty-Tashkent» avtojolynyń 203-shaqyrymynda «Volkswagen Passat» markaly avtokóliktiń júrgizýshisi qarama-qarsy qozǵalys jolaǵyna shyǵyp ketip, bekitilgen aýmaqta jol qaýipsizdigin qamtamasyz etip júrgen patrýldik avtokóligimen soqtyǵysqan.

- Jol-kólik oqıǵasy saldarynan qyzmettik kólikte bolǵan eki polıtsııa qyzmetkeri ártúrli dene jaraqattarymen Qordaı aýdandyq ortalyq aýrýhanasyna jetkizildi. Jambyl oblysy PD patrýldik polıtsııa batalonynyń aǵa ınspektory Úshkempir Abaı Baqytbekuly 12 aqpan kúni aýrýhananyń jansaqtaý bóliminde kóz jumdy, - delingen Jambyl oblysy PD habarlamasynda. 

Polıtsııa aǵa leıtenanty Abaı Úshkempir ishki ister organdarynda 2017 jyldyń 14 jeltoqsanynan beri qyzmet atqarǵan, al qazirgi qyzmetine 2025 jyldyń 6 aqpanynda taǵaıyndalǵan. Qyzmet etken jyldary ishinde 9 márte marapattalǵan.

Jambyl oblysy Polıtsııa departamenti marqumnyń týystaryna kóńil aıtty.

Jambyl oblysy Polıtsııa departamenti marqumnyń týystary men jaqyndaryna qaıǵyryp, kóńil aıtady, - delingen habarlamada.

Eske salsaq Astanalyq polıtseı jattyǵý zalynan shyqqannan keıin esinen tanyp, sol jerde qaıtys bolǵan edi.