Jambyl oblysy týrızm jáne ınvestıtsııa basqarmasyna jańa basshy keldi
ASTANA. KAZINFORM — Jambyl oblysy ákiminiń ókimine sáıkes Erjan Tálip Jambyl oblysy ákimdiginiń týrızm jáne ınvestıtsııa basqarmasynyń basshysy bolyp taǵaıyndaldy, dep habarlaıdy ákimdiktiń baspasóz qyzmeti.
Erjan Erkinuly 1989 jyly dúnıege kelgen. Bilimi joǵary. 2014 jyly Qytaı Halyq Respýblıkasyndaǵy Hýachjýn ǵylym jáne tehnologııa ýnıversıtetin (Shanhaı yntymaqtastyq uıymy baǵdarlamasynyń stıpendıaty) «Menedjment» mamandyǵy boıynsha támamdap, 2016 jyly Reseı halyqtar dostyǵy ýnıversıtetinde «Quqyqtaný» mamandyǵy boıynsha magıstr dárejesin alǵan. Orys, aǵylshyn jáne qytaı tilderin meńgergen.
Eńbek jolyn 2014 jyly jeke sektorda maman retinde bastaǵan. Ár jyldary túrli seriktestikterde maman jáne satý menedjeri, «Astana Opera» memlekettik opera jáne balet teatrynda marketıng, halyqaralyq baılanystar, uıymdastyrý jumysy jáne strategııalyq josparlaý departamentiniń mamany jáne bas mamany qyzmetterin atqarǵan.
Keıin ınvestıtsııalar tartý jáne óńirlik damý salasynda eńbek etip, «Turkistan Invest» óńirlik ınvestıtsııalyq agenttiginde, «Túrkistan» áleýmettik kásipkerlik korporatsııasy» AQ-da, «Túrkistan oblysynyń tsıfrlandyrý ortalyǵy» fılıalynda, «Ońtústik» óńirlik ınvestıtsııalyq ortalyǵy» JShS-da jáne «Taraz» ındýstrııalyq aımaǵy» basqarýshy kompanııasy» JShS-da menedjer, bas menedjer, bas sarapshy, bólim basshysy jáne ınvestıtsııalar tartý jónindegi menedjer laýazymdaryn atqarǵan.
Sondaı-aq «Zhambyl Invest» dırektsııasy basshysynyń orynbasary jáne basshysy, «Taraz» ındýstrııalyq aımaǵy» basqarýshy kompanııasy» JShS dırektory qyzmetterinde eńbek etti.
Laýazymǵa taǵaıyndalǵanǵa deıin «Zhambyl Invest» JShS Basqarma tóraǵasy qyzmetin atqardy.
Buǵan deıin Abaı oblysy bilim basqarmasynyń basshysy taǵaıyndalǵanyn jazǵanbyz.
