Jambyl oblysy: Sarysý aýdanynda tótenshe jaǵdaı jarııalandy
TARAZ. KAZINFORM – Búgin qatty jel saldarynan Sarysý aýdany Jańatas qalasyndaǵy birqatar kópqabatty turǵyn úıdiń shatyry ushyp, elektr jelileri búlindi.
Anyqtalǵandaı qatty jeldiń saldarynan 3 úıdiń shatyry tolyq, 7 úıdiń shatyry jartylaı, sondaı-aq jeti kásipkerlik nysanynyń shatyry búlingen.
Shamamen 2 shaqyrym elektr toǵy úzilgen.
Zardap shekkender joq.
Kommýnaldyq jeliler shtattyq rejımde jumys istep tur, áleýmettik nysandarǵa zaqym kelmegen.
Aýdandyq deńgeıde tótenshe jaǵdaı jarııalandy.
— Zerdeleý jalǵasyp jatyr. Apat saldaryn joıýǵa tıisti qarjy qarastyrylatyn bolady. Qajetti kómektiń barlyǵy kórsetiledi, — delingen Jambyl oblysy ákimdiginiń habarlamasynda.
Aýdan ákimdigi men tótenshe jaǵdaı departamenti, jaýapty basqarmalarǵa qalpyna keltirý jumystary tapsyryldy. Jumys búginnen bastalady.
Aıta ketelik Jambyl oblysynda qatty jel úılerdiń shatyryn ushyryp áketken edi.