Jambyl oblysy memlekettik kirister departamentiniń bas mamany deldal bolǵany úshin sottaldy

ASTANA. KAZINFORM – Jambyl oblysynyń qylmystyq ister jónindegi mamandandyrylǵan aýdanaralyq soty memlekettik kirister departamentiniń bas mamany S. Úkimbaevqa, Taraz qalasynyń turǵyndary E. Mýradovqa jáne T. Teleýovke qatysty úkim shyǵardy.

Antıkordyń dereginshe, Muradov pen Teleýov qalalyq qarjy bóliminiń laýazymdy adamdarynan buryn tárkilengen jáne sottyń sheshimi boıynsha joıylýǵa jatatyn temeki óniminiń ornyna 200 myń AQSh dollary somasynda para bergeni úshin, al Úkimbaev - paraqorlyqqa deldal bolǵany úshin kináli dep tanyldy.

Sot úkimimen Muradovqa - 10 jyl, Teleýovqa - 9 jyl, Úkimbaevqa 3 jyl bas bostandyǵynan aıyrý jazasy taǵaıyndaldy.

- Sonymen qatar, Úkimbaev ómir boıy memlekettik qyzmette jáne kvazımemlekettik sektor sýbektilerinde qyzmet atqarý quqyǵynan aıyryldy, - dep jazdy vedomstvodan.

Sot aktisi zańdy kúshine engen joq. 

Aıta keteıik, Jambyl oblysynda qarýly polıtsııa qyzmetkeri ustaldy.