Jambyl oblysy qyzǵaldaqtardyń otany mártebesin nyǵaıta túspek
TARAZ. KAZINFORM – Jambyl oblysynda «Qyzǵaldaq mura» halyqaralyq festıvali bastaldy.
Festıvaldiń birinshi kúni Germanııa, Ýkraına, Qyrǵyzstan jáne Nıderlandy elderiniń jetekshi ǵalymdarynyń basyn qosqan ǵylymı-tájirıbelik konferentsııa ótti. Sharaǵa bıoalýantúrlilik jónindegi sarapshylar, botanıka, ekologııa jáne jaratylystaný ǵylymdarynyń mamandary, QR Ǵylym akademııasynyń ǵalymdary, sondaı-aq ıÝnesko ókilderi qatysty.
Kezdesýdi Sh. Murtaza atyndaǵy Halyqaralyq Taraz ýnıversıtetiniń rektory Mahmetǵalı Sarybekov júrgizip otyrdy.
Qazaqstan Respýblıkasy Týrızm jáne sport mınıstrligi Týrızm ındýstrııasy komıtetiniń tóraǵasy Nurtas Káripbaev óńirdiń ekonomıkalyq ósýi úshin týrızmdi damytýdyń mańyzdylyǵyn jetkizdi.
– Memleket basshysy Qasym-Jomart Kemeluly Toqaev óńirlik týrızmniń ósýi úshin joǵary deńgeıdegi is-sharalardy ótkizýdiń máni zor ekenin atap ótti. Qyzǵaldaq festıvalin osyndaı aýqymdy oqıǵalardyń qataryna jatqyzýǵa bolady, – dedi ol.
Almaty men Qazaqstan Respýblıkasyndaǵy ıÝNESKO Óńirlik keńsesi Jaratylystaný ǵylymdary bóliminiń meńgerýshisi Elena Osıpova ǵylymnyń týrızmdi damytýǵa áseri taqyrybynda sóz qozǵady. Onyń pikirinshe, konferentsııa ǵylymı qaýymdastyqty, murany qorǵaý jáne bıoalýantúrlilik salasyndaǵy mamandardy biriktiretin alańǵa aınalady.
Konferentsııaǵa qatysýshylar óz baıandamalarynda 300-ge jýyq qyzǵaldaq sortynyń patshasy sanalatyn Greıg qyzǵaldaǵynyń tarıhı otany – Jambyl oblysynyń aýmaǵynda ornalasqan Syrdarııa Qarataý jotasy, atap aıtqanda Kishi Qarataý dep atalatynyn aıtty.
Spıkerler qyzǵaldaqtardy saqtaý máselelerine arnalǵan jyl saıynǵy ǵylymı forýmdardyń mańyzdylyǵyna toqtaldy. Mundaı is-sharalar birneshe baǵytty biriktiretin alań retinde erekshe ról atqarady – bul tabıǵı-landshafttardy, tarıhı-mádenı mura men geomurany saqtaý.
Konferentsııa qorytyndysy boıynsha qarar qabyldandy.
Qatysýshylar Greıg, Kaýfman jáne Regel qyzǵaldaqtaryn ıÝNESKO-nyń Búkilálemdik tabıǵı muralar tizimine engizýdi, keıinnen Kishi Qarataý aýmaǵynda Qazaqstan qyzǵaldaqtarynyń biregeı genetıkalyq qoryn saqtaý úshin geopark uıymdastyrýdy usyndy.
Konferentsııa qonaqtary úshin oblystyń kórikti jerlerine ekskýrsııalyq týr uıymdastyryldy.
Festıvaldiń ekinshi kúni Talas aýdanynyń taýly aımaǵynda ornalasqan etnoaýyl aýmaǵynda kontsert, ǵylymı-tanymdyq ekskýrsııalar, sporttyq jáne oıyn-saýyq sharalary ótedi. Sondaı-aq florıstıkalyq kompozıtsııalar kórmesi men sán kórsetilimi josparlanǵan. Qymyzmuryndyq rásimine qatysýshylar qymyz dámin tatyp, ony ázirleý tásilimen tanysa alady.
Oblystyń 100 qolónershisiniń qatysýymen qyzǵaldaq gúli órnektelgen 200 sharshy metrlik úlken kıiz basylady. Ol qazaqstandyq rekordtar kitabyna tirkeledi dep boljanyp otyr.
Eske sala keteıik, buǵan deıin Túrkistan oblysynda qyzǵaldaq julǵan turǵynǵa qatysty qylmystyq is qozǵalǵanyn jazǵan bolatynbyz.