Jambyl oblysy dene shynyqtyrý basqarmasynyń basshysy taǵaıyndaldy
TARAZ. KAZINFORM — Jambyl oblysy ákiminiń ókimimen Ernar Ibraımov Jambyl oblysy ákimdiginiń dene shynyqtyrý jáne sport basqarmasynyń basshysy bolyp taǵaıyndaldy.
Ernar Talasbekuly 1984 jyly týǵan, ulty qazaq, bilimi joǵary.
M. H. Dýlatı atyndaǵy Taraz memlekettik ýnıversıtetin «dene shynyqtyrý jáne sport», «qarjy jáne qarjy quqyǵy» mamandyqtary boıynsha bitirgen.
Eńbek jolyn 2004 jyly «KazHolodMash» JShS qarjy dırektory bolyp bastaǵan.
Eńbek jolynda Almaty qalasy ákimi apparatynyń uıymdastyrý, kadr jáne baqylaý ınspektorlyq jumysy bóliminiń bas mamany, Jambyl oblysy ákimi apparatynyń uıymdastyrý, kadr jáne baqylaý ınspektorlyq jumysy bóliminiń bas mamany, olımpıadalyq rezervti daıarlaý ortalyǵynyń dırektory, Almaty qalasynyń «Shańyraq» shaǵynaýdanyndaǵy olımpıada rezerviniń respýblıkalyq mamandandyrylǵan mektep-ınternat-kolledjiniń dırektory, Respýblıkalyq sport kolledjiniń dırektory qyzmetterin atqarǵan.
2022 jylǵy shilde aıynan bastap búgingi kúnge deıin K.Ahmetov atyndaǵy olımpıada rezerviniń respýblıkalyq mamandandyrylǵan mektep-ınternat-kolledji dırektory laýazymynda qyzmet atqaryp keldi.
Aıta keteıik, buǵan deıin Jambyl oblysynda memlekettik satyp alý basqarmasynyń basshysy taǵaıyndalǵanyn jazǵan bolatynbyz.