Jambyl oblysy boıynsha memlekettik múlik jáne jekeshelendirý departamentiniń basshysy taǵaıyndaldy
ASTANA. KAZINFORM — Merıtokratııa qaǵıdasyna sáıkes Jambyl oblysy boıynsha memlekettik múlik jáne jekeshelendirý departamentiniń basshysy bolyp Ǵanı Qoıbaǵarov taǵaıyndaldy.
Onyń eńbek ótili - 21 jyl. Almaty Ekonomıka jáne statıstıka akademııasy men Taraz ınnovatsııalyq-gýmanıtarlyq ýnıversıtetin támamdaǵan.
MMJK júıesinde 18 jyl 7 aı jumys istep keledi. Qyzmetti bas mamannan bastap departament basshynyń orynbasaryna deıin kóterilgen.
Keıingi 5,5 jylda Jambyl oblysy boıynsha memlekettik múlik jáne jekeshelendirý departamenti basshysynyń orynbasary bolyp eńbek etti.
Aıta keteıik, saıasat, ekonomıka, bıznes, ǵylym, mádenıet sekildi túrli salada el damýyna eleýli úles qosqan tanymal qazaqstandyqtardyń ómirbaıany men qyzyqty málimetterdi myna jerden oqı alasyz.