Jambyl oblysy boıynsha adam quqyqtary jónindegi jańa ýákil taǵaıyndaldy

ASTANA. KAZINFORM - QR Adam quqyqtary jónindegi ýákildiń buıryǵymen Erkin Qýanyshev Adam quqyqtary jónindegi ýákildiń Jambyl oblysy boıynsha ókili laýazymyna taǵaıyndaldy.

Жамбыл облысы бойынша адам құқықтары жөніндегі жаңа уәкіл тағайындалды
Фото: Жамбыл облысы әкімдігі

Erkin Qýanyshev 1968 jyly 1 tamyzda Jambyl oblysynyń Sverdlov (qazirgi Baızaq) aýdanynda dúnıege kelgen.

1986 jyly Jambyl esepke alý-statıstıkalyq tehnıkýmyn, 1990 jyly Jambyl jeńil jáne tamaq ónerkásibi tehnologııalyq ınstıtýtyn «Ekonomıka» mamandyǵy boıynsha, 1998 jyly Taldyqorǵan zań ınstıtýtyn «Quqyqtaný» mamandyǵy boıynsha bitirgen.

Eńbek jolyn 1990 jyly Sverdlov aýdandyq komsomol komıtetiniń esep jáne qarjy sektorynyń meńgerýshisi bolyp bastady, Jambyldyń salyq organdarynda jumys istedi.

1993 jyldan 2023 jylǵa deıin prokýratýra organdarynda ártúrli laýazymdarda, sonyń ishinde basshylyq qyzmetterde boldy.

2023 jyldyń tamyzynda otstavkaǵa ketti. 2023 jyldan bastap oblys ákimdigi janyndaǵy kámeletke tolmaǵandar isteri jónindegi komıssııanyń múshesi, sondaı-aq oblys prokýratýrasy organdary ardagerler keńesi atqarý komıtetiniń múshesi.

Buǵan deıin Rýslan Jeldibaı jańa qyzmetke taǵaıyndalǵanyn jazǵan bolatynbyz.

Сейчас читают