Jambyl oblysy Ádilet departamenti bastyǵynyń orynbasary para alý kúdigimen ustaldy
ASTANA. KAZINFORM – Baýyrjan Shamgýnov jeke sot oryndaýshylarynyń qyzmetinde anyqtalǵan zańbuzýshylyqtardy jasyryp otyrý úshin olardan aqsha alǵan, dep habarlaıdy Kazinform agenttigi quqyq qorǵaý organdaryndaǵy derekkózge silteme jasap.
Baýyrjan Shamgýnov eńbek jolyn Jambyl oblysy Ádilet departamentimen bastaǵan. 2006 jyly ol qalalyq Ádilet basqarmasyna jetekshi maman bolyp kelgen, al 19 jyl ótken soń departament bastyǵynyń orynbasary laýazymyna deıin kóterilgen. Qazirgi qyzmetine bıyl naýryzda taǵaıyndalǵan.
Keshe sheneýnikti para alý kúdigimen Jambyl oblysy boıynsha UQK departamentiniń qyzmetkerleri ustady. Ol syıaqy alý arqyly jeke sot oryndaýshylaryn lıtsenzııasynan aıyrmaýǵa ýáde bergen.
Aıta keteıik, ázirge departament nemese komıtet tarapynan resmı túsinikteme berilgen joq.
Sondaı-aq Aqtóbede para úshin aıyptalǵan basshy sot otyrysynda ákimge aqsha bergenin aıtty.