Jambyl mektepterine órt qaýipsizdigi erejelerin buzǵany úshin taǵy da aıyppul salyndy

ASTANA.KAZINFORM - Jaz aılarynda sot tártibimen oblystaǵy 17 bilim berý mekemesine aıyppul salyndy, dep habarlaıdy Kazinform agenttiginiń tilshisi.

Bir aı buryn Shý aýdanynda órt qaýipsizdigi talaptaryn buzǵan segiz mektep jaýapqa tartyldy. Kúni keshe osyndaı shara taǵy toǵyz mektepke qoldanyldy, bul joly Jýaly aýdanynda.

Sáýir aıynda jergilikti tótenshe jaǵdaılar departamenti birqatar zańbuzýshylyqty anyqtap, mekemelerge uıǵarym shyǵarylyp, olardy túzetýge ýaqyt berildi. Belgilengen merzimnen keıin shilde aıynda ótken qaıtalama tekseris barysynda anyqtalǵan buzýshylyqtar túzetilmegen, sodan keıin ákimshilik quqyqbuzýshylyq týraly hattamalar jasalǵan.

ÁQBtK-niń 462-babynyń 3-bóligine sáıkes árbir bilim berý mekemesine 100 AEK (393 200 teńge) kóleminde aıyppul salyndy. Jýaly aýdany mektepteri tólegen jalpy soma 3,5 mln. Shý aýdany mektepteri aıyppulynyń jalpy somasy qazirdiń ózinde 6,6 mıllıon teńgeden asty.

Buǵan deıin Jambyl oblysynda órt qaýipsizdigin buzǵan segiz mektepke aıyppul salynǵanyn habarlaǵan bolatynbyz.

Osyǵan deıin Tarazda 147 muǵalimniń eńbek quqyǵy buzylǵany anyqtalyp, ótemaqy tólendi.