Jamaýbaev: Bıýdjetti josparlaýda elektrondy júıeniń ekinshi kezeńi engiziledi
NUR-SULTAN. QazAqparat – Qarjy mınıstri Erulan Jamaýbaev bıýdjettik protsesti tsıfrlandyrýǵa qatysty qabyldanǵan sharalar týraly aıtty, dep habarlaıdy QazAqparat tilshisi.
«2020 jyly Memlekettik josparlaýdyń júıesin damytý jobasyn júzege asyrýdyń birinshi kezeńi aıaqtaldy. Bul óz kezeginde bizge 2021-2023 jyldarǵa arnalǵan respýblıkalyq bıýdjetti qalyptastyrýdy elektrondy formada júrgizýge múmkindik berdi», - dedi E. Jamaýbaev halyq aldynda esep berýi kezinde.
Onyń aıtýynsha, júıege 1 125 memlekettik mekeme men 4 myń paıdalanýshy qosyldy.
«Bıyl Memlekettik josparlaý aqparattyq júıesin damytý jobasynyń ekinshi kezeńin iske asyrý josparlanǵan. Joba bıýdjetti josparlaýmen baılanysty merzimdik ári ústeme shyǵyndardy ońtaılandyrýǵa múmkindik beredi», - dedi mınıstr.
Budan buryn habarlanǵandaı, vedomstvonyń 2021 jyldaǵy jumysynyń negizgi baǵyttaryn atady.
Qarjy mınıstri Ulttyq qordyń qazirgi jaǵdaıy týraly baıandady.
