Jamanqulov jymqyrǵan qarjysynyń 5,3 mln teńgesin qaıtaryp berdi
Búgingi sot otyrysynda zardap shekken taraptyń ókili - Mádenıet jáne sport mınıstrliginiń qyzmetkeri Serik Estııarovtan jaýap alyndy. Ol taǵylǵan aıyptardy tolyǵymen qoldady. Aıtarlyǵy, zardap shekken tarap jan-jaqty jáne obektıvti tergeý sharalarynyń nátıjesinde aqsha jymqyrý faktileri tolyqtaı rastalǵanyn atap aıtty.
Serik Estııarovtyń aıtýynsha, búgingi kúnge deıin Tuńǵyshbaı Jamanqulov 69 mln. teńgeniń 5,3 mln. teńgesin qaıtaryp bergen.
Tergeý barysynda «Qazaqfılm» AQ fılmdi túsirýge aldyn ala daıyndyq jáne daıyndyq jumystaryn júrgizýge «T.K. Turan Universal Business» JShS-ne 79 mıllıon teńge aýdarǵany anyqtaldy. Sonyń ishinde 69 mln teńgeni atalǵan kompanııa arqyly kartınanyń bas dırektory Tuńǵyshbaı Jamanqulov jymqyrǵany dáleldendi. Ol «T.K. Turan Universal Business» JShS-niń quryltaıshysy bolyp tabylady. Naqtyraq aıtqanda, urlanǵan qarajat qosalqy merdigerlik uıymdardyń kómegimen qolma-qol aqsha túrinde Tuńǵyshbaı Jamanqulovqa jetkizilip otyrǵan.
Eske sala keteıik, aǵymdaǵy jyldyń 9-ynshy naýryzynda Almaty qalasyndaǵy №2 Medeý aýdandyq sotynda «Fenıks» kınofılmin túsirýge bólingen bıýdjet qarajatynyń urlanýy boıynsha basty sot otyrysynyń alǵashqy otyrysy bolyp ótti. Sottalýshylar oryndyǵynda 9 adam otyr: olar «Fenıks» kınokartınasynyń bas prodıýseri, Halyq ártisi Tuńǵyshbaı Jamanqulov, kınofılmniń rejısseri Talǵat Jánibekov, atqarýshy prodıýseri Natalıa ıÝdına, redaktory Ǵızat Sultanov, «Fenıkstiń» daıyndyq kezeńindegi túsirilim tobynyń dırektory Márlen Ábishev, «Sh. Aımanov atyndaǵy «Qazaqfılm» kınostýdııasy» AQ-nyń top-menedjeri Gaýhar Ysqaqova, jaýapkershiligi shekteýli seriktestiktiń ókili Danııar Ábdiqadyrov, jeke kásipker Ilıa Korobeınıkov jáne kınokartınanyń ekinshi rejısseri Bıjan Ábishev.
Sottalýshylarǵa «Fenıks» fılmin túsirýge bólingen bıýdjet qarajatyn urlady jáne astyrtyn jaǵdaıda dem berýshilik jasady degen aıyptar taǵylyp otyr. Sottyń birinshi kúngi otyrysynda zardap shekken tarap - Mádenıet jáne sport mınıstrliginiń ókili Maqsat Jaqsybaev eger kúdiktiler keltirilgen zııandy tolyq óteıtin bolsa, onda medıatsııa tártibimen kúdiktilermen tatýlasýǵa nıetti ekendikterin málim etti. Alaıda, tóraǵalyq etýshi sýdıa qylmystyq is jaǵdaıynda medıatsııa qarastyrylmaǵanyn atap aıtty. Biraq protsessýaldyq sheshimge kelýge bolatynyn da jetkizdi.
Atap aıtarlyǵy, Halyq ártisi Tuńǵyshbaı Jamanqulovtyń ózi barlyq kinásin moıyndady. Buǵan deıin habarlaǵandaı, ol keltirilgen zııannyń 5.3 mln. teńgesin qaıtaryp berdi. Sonymen qatar, basqa bes sottalýshy da ózderiniń kinásin moıyndady.
Tergeý nátıjesinde belgili bolǵany, «Fenıks» kınofılminiń alǵashqy jáne daıyndyq kezeńderiniń óndirisine dep «T.K. Turan Universal Business» JShS-ine 79 mln. teńge aýdarady. Sonyń ishindegi 69 mln. teńgesin joǵaryda aty atalǵan kompanııa arqyly kınokartınanyń bas prodıýseri Tuńǵyshbaı Jamanqulov urlaǵan. Atalǵan kompanııanyń quryltaıshysy da - T. Jamanqulov. Aqsha qosalqy merdigerlik uıymdar arqyly qolma-qol aqshaǵa aınaldyrylyp, keıinirek T. Jamanqulovqa jetkizilgen.
