Jamanqulov isi: Sottalýshylar Jamanqulovtyń qarjysyn qalaı qolma-qol aqshaǵa aınaldyrǵanyn aıtty
Almaty qalasynyń № 2 Medeý aýdandyq sotynda Tuńǵyshbaı Jamanqulovtyń isi boıynsha sot otyrysy odan ári jalǵasýda. Búgingi otyrysta sottalýshylar sot aldynda túsinik berýdi bastady. Sotta birinshi bolyp túsinik bergen «Fenıks» kınofılminiń atqarýshy prodıýseri Natalıa ıÝdına 2 mln. teńgeni qaıtarǵan soń, tolyqtaı óz kinásin moıyndady.
«2014 jyldyń maýsymynda T. Jamanqulov maǵan «Fenıks» kınofılminiń óndirisine bólingen qarajattyń 6 mln. teńgesin qolma-qol aqshaǵa aınaldyryp, ózine jetkizýge nusqaý berdi. Men ol nusqaýdy oryndap, 5,3 mln. teńgeni qolma-qol aqshaǵa aınaldyrdym»,- dedi sottalýshy Natalıa ıÝdına.
Odan ári Natalıa ıÝdına bıýdjet qarajatyn qalaı jáne kimderdiń kómegimen qolma-qol aqshaǵa aınaldyrǵanyn áńgimelep berdi. Onyń aıtýynsha, 1 mln. teńgege jýyq qarajat «AlmaStore» JShS-niń dırektory Márlen Ábishevpen kelisim-shart jasaý arqyly urlanǵan. Kelisimge sáıkes, Ábishevtiń fırmasy «Fenıks» kınofılmin túsirýge qajetti beıne apparatýramen, baılanys quraldarymen jáne kólikpen qamtamasyz etýi kerek bolǵan. Alaıda tergeý barysynan jáne sottaǵy kýágerlerdiń túsiniginen belgili bolǵanyndaı, atalǵan fırma eshqandaı qyzmet túrin kórsetpegen. Buǵan qosa, taǵy da 1,3 mln. teńge basqa bir fırma - «AlekSh» atty jalǵan kásiporynnyń kómegimen qolma-qol aqshaǵa aınaldyrylǵan. Onyń qujattaryn Márlen Ábishev usynǵany málim boldy.
Sotta budan basqa da qylmystyq is-qımyldar áshkerelendi. Máselen, 2,3 mln. teńge sottalýshy Ilıa Korobeınıkovtyń «SKARABEISTUDIO» jeke kásipkerliginiń kómegimen qolma-qol aqshaǵa aınaldyrylypty. Budan bólek, taǵy 300 myń teńge júrgizýshi Vladımır Rýsnakovpen jalǵan kelisim-shart jasaý arqyly qolma-qol aqshaǵa aınaldyrylǵan. Atap aıtarlyǵy, Natalıa ıÝdına qujattarǵa onyń jalǵan qolyn ózi qoıypty. Taǵy da 717 myń teńgeni Tuńǵyshbaı Jamanqulovtyń nusqaýymen «T.K. TURAN UNIVERSAL BISINESS» JShS-niń shotynan esepshi Nazgúl Júnisovanyń málim boldy.
«Júnisova arqyly qolma-qol aqshaǵa aınaldyrylǵan qarjyny men Jamanqulovqa berdim. Osylaısha, onyń tapsyrmasyn oryndadym»,- dep sózin aıaqtady Natalıa ıÝdına.
Sonymen qatar, Tuńǵyshbaı Jamanqulov Natalıa ıÝdınaǵa kartınanyń rejısseri Talǵat Jánibekovtiń jalǵa alǵan páteriniń aqysyn tóleýdi tapsyrady. Alaıda, bul fılmdi túsirý kezindegi shyǵyndar tiziminde kórsetilmegen eken. Osylaısha, jalǵan jeke kásiporyndar arqyly Natalıa ıÝdına 1,2 mln. teńgeni qolma-qol aqshaǵa aınaldyryp, páterdiń jalyn tóleý úshin Talǵat Jánibekovke bergen.
Saıyp kelgende, Jamanqulovtyń tikeleı nusqaýymen «Fenıks» kınofılmin túsirý kezeńinde bıýdjetten bólingen qarajat «T.K. TURAN UNIVERSAL BISINESS» JShS-niń áleýetti jetkizýshilerinen qolma-qol aqshaǵa aınaldyrylyp, keıinirek qosymsha tólemaqy esebinde rejısser Talǵat Jánibekov pen fılmniń redaktory Ǵızat Sultanovqa tólengen. Búgingi sot otyrysynda sotqa jaýap bergen Márlen Ábishev óziniń 1 mln. teńgege jýyq qarajatty qolma-qol aqshaǵa aınaldyrǵanyn ashyq aıtyp, buǵan deıingi sottalýshy Natalıa ıÝdınanyń sottaǵy jaýaptaryn tolyǵymen rastady.
Erteńgi sot otyrysynda basqa da sottalýshylar sotqa túsinik beredi.
