Jamanqulov isi: Sottalýshy «Fenıksti» túsirýdegi aqshanyń qalaı urlanǵanyn áńgimeledi

Almaty qalasynyń № 2 Medeý aýdandyq sotynda Tuńǵyshbaı Jamanqulovtyń isi boıynsha sottalýshylardan jaýap alý jalǵasyp jatyr. Búgingi otyrysta sotqa túsinik bergen «Fenıks» fılmine dybys rejısseri retinde jumysqa shaqyrylǵan Ilıa Korobeınıkov óz kinásin jartylaı moıyndady. Alaıda, óziniń kásibı jumysymen qatar, onyń kınokartına basshylyǵynyń basqa da tapsyrmalaryn oryndaǵany málim boldy.

«2014 jyldyń sáýirinde ne naýryz aıynyń sońynda Talǵat Jánibekov meni «Fenıkske» shaqyrdy. Áýel basta onyń tolyq metrajdy kólemdi fılm bolatynyn uqtym. Buǵan qýandym. Biraq qýanyshym uzaqqa barmady. T. Jánibekov 10 kúnnen keıin menimen birge jumys isteýden bas tartty. Biraq artynan báribir jumysqa qabyldandym. N. ıÝdınamen fılmniń aldyn-ala jáne daıyndyq kezeńderindegi jumysymyzdy pysyqtadyq»,- dep áńgimeledi sotta I. Korobeınıkov.

Onyń aıtýynsha, barlyq qarjylyq jumystardy fılmniń atqarýshy prodıýseri Natalıa ıÝdınamen sheshim otyrǵan. Al Natalıa ıÝdına óz kezeginde tek Tuńǵyshbaı Jamanqulovtyń tapsyrmalaryn oryndaǵan. Atap aıtqanda, bul jerde qarajatty qolma-qol aqshaǵa aınaldyrý týraly bolyp otyr. «Fılmniń stsenarııimen tanysqan soń, men dybys máselesi boıynsha shyǵyndar esebin jasadym. Alaıda tek úshinshi esebim ǵana aýyzsha maquldandy. Ony maquldaǵannan keıin, biz aldyn-ala jáne daıyndyq kezeńderi boıynsha jumystarǵa qatysty kelissózderdi júrgize bastadyq. Sonymen qatar, Natalıa ıÝdına maǵan uıymdastyrýshylyq jumystardy da senip tapsyrdy. Ol maǵan fılmdi túsirýge qajetti mamandardyń tizimin berdi»,- dedi sottalýshy. 

Ilıa Korobeınıkov óz jaýabynda bul jobadan 1 mln. 400 myń teńge (aı saıyn 200 myń teńge) jalaqy alǵanyn ashyq aıtty.  Jalpy alǵanda, ol óziniń jumysy men kórsetken qyzmeti úshin N. ıÝdınamen 6,1 mln. teńgege kelisim-shart jasaǵan. «Úsh kelisim-sharttyń jalpy quny 6,1 mln. teńgeni qurady. Bir aıdyń kóleminde men basqa mamandardy qashan jumysqa shaqyrý kerektigin suradym. Sol kezde N. ıÝdına ol mamandardy shaqyrýdy ýaqytsha toqtata turatynyn aıtty. Alaıda, kelisim-shart boıynsha 2,3 mln. teńgeni qaıtaryp berý kerektigin málim etti»,- dedi ol. 

Saıyp kelgende, I. Korobeınıkov 2,3 mln. teńgeni qolma-qol aqshaǵa aınaldyryp, keıinnen N. ıÝdınaǵa qaıtaryp bergen. «Men alǵashqy tergeý kezinde jalǵan sóıledim. Biraq ekinshi ret tergeýge shaqyrǵanda bar shyndyqty aıtyp berdim. Óıtkeni, men kinámdi jartylaı moıyndaımyn. Natalıa ıÝdınaǵa atqarylǵan jumystardyń aktisin bergende ony qoldan jasadym. Bul jalǵan aktiler bolatyn»,- dep túsindirdi sottalýshy. Atap aıtarlyǵy, qalǵan 3 mln. 800 myń teńgeden astam qarajatty óziniń jeke qajettilikterine jumsaǵany málim boldy. Budan baıqalǵany, dybys rejısseri óziniń qyzmetin tolyǵymen atqarmaǵan.

Atap aıtarlyǵy, sot otyrysynda sottalýshy Natalıa ıÝdına Ilıa Korobeınıkovtyń sózin rastady. «Meniń I. Korobeınıkovtan 2,3 mln. teńgeni qaıtaryp alǵanym ras. Sebebi sol kezde Jamanqulovtan aqshany qaıtarý týraly nusqaý tústi»,- dep málimdedi sot otyrysynda sottalýshy.

Búgin basqa da sottalýshylarmen qatar basty aıyptalýshy - Tuńǵyshbaı Jamanqulovtan da sotta jaýap alý kózdelýde. Sot otyrysy odan ári jalǵasyp jatyr.