Jamanqulov isi: Kýáger sotta «Fenıkstiń» jarnamalyq rolıgi kóshirme bolǵanyn aıtty
ALMATY. QazAqparat - Almaty qalasyndaǵy №2 Medeý aýdandyq sotynda rejısser Tuńǵyshbaı Jamanqulovqa, «Sh. Aımanov atyndaǵy «Qazaqfılm» AQ-nyń laýazymdy tulǵalaryna jáne «T.K.Turan Universal Business» JShS-nyń qyzmetkerlerine qatysty «Fenıks» kınofılmin túsirýge bólingen bıýdjet qarajatyn jymqyrý faktisi boıynsha sot otyrysy jalǵasyp jatyr.
Bul jolǵy sotta «Fenıkstiń» aldyn-ala jáne daıyndyq kezeńderindegi jumystardy qabyldaý boıynsha sarapshylar komıssııasynyń músheleri túsinik berdi. Atap aıtarlyǵy, bul komıssııanyń barlyq músheleri kınematografııa salasyndaǵy joǵary bilikti mamandar bolyp shyqty: olardyń arasynda áıgili akterler, rejısserler, redaktorlar bar.
«Kınofılmniń tızeri (jarnamalyq rolıgi) kóshirme bolǵanyn aıtýymyz kerek. Mysaly, amerıkalyq «Tsýnamı» fılminde teńizdiń tolqynynyń týra osyndaı kórinisi bar. «Razlom» degen kınoda da týra osylaı. Jer silkingen kezde otbasy músheleri dámhanada otyryp, ydystardyń syldyrlaǵanyn kórip, qatty shoshıdy. «Fenıkste» osyndaı kóshirmeler kezdesedi. Bul - basqa bir kınony kóshirip alý. Men muny kórgende amerıkalyqtar bizge plagıat úshin áli túsimizge de kirmegen esep-shotty jiberetin edi»,- dep áńgimeledi sottaǵy jaýabynda «Qazaqfılmniń» qyzmetkeri Oljabaı Musabekov.
Onyń aıtýynsha, «Fenıkstiń» shyǵyndary anyq kórsetilgen jospary, stsenarıılik jospary bolmaǵan. «Mundaı jaǵdaıda túsirilim toby qalaı jumys isteıdi? Kostıýmder eskızi men dekoratsııalar eskızi de bolǵan joq»,- dedi kýáger sottaǵy sózinde. ıAǵnı, kıno túsirýshi top bul máselelerdi umyt qaldyrǵan. Sondaı-aq, ol tehnıkalyq qaýipsizdik máselesi de sheshilmegenin jasyrmaı aıtty.
«Belgili bir daıyndyq jumystary jasaldy, biraq ol kıno túsirýdi bastaýǵa jetkiliksiz edi. Ózińiz oılańyzshy, kúntizbelik josparsyz qalaı jumys isteýge bolady?»,- dedi O. Musabekov.
Usynylǵan materıaldarmen tanysqan soń sarapshylar komıssııasy qoıylym jobasyn qorǵaýǵa daıyn emes ekenine kóz jetkizgen. Oǵan qosa, daıyndyq jumystary da tolyqqandy deńgeıde oryndalmaǵan soń, fılm túsirý toqtap qalǵan.
Sonymen qatar, sotta sóılegen kýágerler fılmniń aldyn-ala jáne daıyndyq kezeńderindegi jumys tolyǵymen iske asyrylmaǵanyn málimdedi. Mysaly, akterlerdiń kastıngi ótkizilmegen. Sondaı-aq, fılmniń grafıkasyn jasaýda kóptegen kemshilikterge jol berilgen.
«Maǵan saraptamaǵa usynylǵan materıaldar kastıng materıaldaryn tirkeý erejelerine sáıkes kelmedi. Mysaly, maǵan 15 papka men 2 fotosýret usynyldy. Sonyń ishinde bir papkada bir ǵana akterdiń 30 fotosýreti júr. Alaıda, tártip boıynsha bir emes, kem degende 10 akterdiń ártúrli fotosýretteri bolýy kerek. Buǵan qosa, fotosýretterdiń fılmniń stsenarııine eshqandaı qatysy bolmaǵanyn kórdim»,- dep áńgimeledi sotta fılmniń aldyn-ala jáne daıyndyq jumystaryn qabyldap alý jónindegi sarapshylar komıssııasynyń múshesi Janna Qýanysheva.
Basqasha aıtqanda, kastıng kórsetilgen erejelerge sáıkes ótkizilýi tıis. ıAǵnı, árbir rólge tańdalǵan akterlerdiń aty-jóni jazylǵan albom jasalmaǵan. Buǵan qosa, árbir rólge kem degende eki úmitker usynylýy kerek. Janna Qýanysheva daıyndyqqa túsirilgen beıne kórinisterdiń de joqtyǵyn qadap aıtty. «Komıssııanyń nazaryna beıne túsirilimder de usynylmaǵan. Mysaly, ár rólge ártúrli akter túsip kórýi tıis. Biraq usynylǵan materıaldardyń arasynda mundaı beınekórinister bolǵan joq»,-dep túsindirdi kýáger.
