Jamalbek Sháripbekov: Bizge qazir temirdeı tártip kerek
TÚRKІSTAN. QazAqparat - Adamzat- jer betindegi sanaly túrde oılaı alatyn jalǵyz tirshilik ıesi. Sondyqtan synaqqa da kóp ushyraıtyny belgili. Búgingi tańdaǵy aýyr indettiń taralyp, bizdiń elimizge de kelgeni janymyzǵa batyp otyr.
Bul pikirdi Túrkistan oblysyq Máslıhatynyń depýtaty, Túrkistan oblysynyń azamattyq alıansynyń tóraǵasy Jamalbek Sháripbekov bildirdi, dep habarlaıdy QazAqparat.
«Elbasymyz qıyn sátte halyqqa qoldaý bildirýge kásipkerlerdi shaqyrdy. Bul úndeýge biz biraýyzdan kelisip, qýana qabyl aldyq. Qazirgi tańda Túrkistan oblysy boıynsha kásipkerler birige otyryp, Elbasy men halyq artqan senim údesinen shyǵýǵa tyrysyp júr. Saqtaný sharalary men aldyn alýǵa baǵyttalǵan josparlarǵa arnaı ortaq shot ashylyp, qarjy jınalýda»,-deıdi ol.
Tóraǵanyń pikirinshe, ýaqytsha qıyndyq kezeńde bir-birimizge súıeý bola alǵanymyz júrekke jylý uıalatady.
«Qarapaıym halyqqa memleket tarapynan beriletin kómekten bólek kásipkerlerdiń járdemi arqyly qıyn sátterdi eńseremiz dep oılaımyn. Búginde aty jaman aýrýdan saqtaný úshin belgilengen tártipti saqtasaq bolǵany. «Tártipke baǵynǵan qul bolmaıdy, tártipsiz el bolmaıdy» degen Baýyrjan Momyshulynyń sózi búginde barshamyzdy tól uranymyzǵa aınalýǵa tıis»,-dedi alıans basshysy.
