Jamal Omarova týraly kitap jaryqqa shyqty
ASTANA. QazAqparat - «Talant, tanymaldyq, taǵdyr». Búgin osyndaı taqyryppen erekshe daýys ıesi ánshi Jamal Omarovanyń ómiri men shyǵarmashylyǵyna arnalǵan kitap oqyrmanǵa jol tartty, dep habarlady www.24.kz.
Kitap avtory Irına Serkebaeva bir aýlada turǵan ákesimen shyǵarmashylyq baılanysta bolǵan Jamal apa esinde emis-emis qalǵanymen onyń ánderin tyńdaǵanda sol baıaǵy balalyq shaqqa qaıta oralǵanyn aıtady. Kitapta ánshiniń jastyq shaǵy ónerge qadam basqan sátteri men kásibı ánshilik bıigi dostary men urpaǵynyń áńgimesi arqyly óriledi. Kitaptyń tusaýkeser rásimine kelgen ánshiniń urpaqtary «qanda bar qasıet joǵalmaıdy», - deıdi. Qazir Jamal apanyń nemereleri de án aıtady.
«Árıne biz ol kisini maqtanysh tutamyz, ol kisiniń aıtqan óleńi «Meniń Qazaqstanym» degen qazir enluranǵa aınaldy. Elurandy aıtyp turǵan kezde biz ár ýaqytta da anamyzdyń daýsy qulaǵymyzǵa kelip turady. Oǵan óte qýanamyz, maqtanamyz», - deıdi J.Omarovanyń kelini Lázzat Omarova.
