Jamaǵatpen namaz oqyǵanda maska taǵý, araqashyqtyq saqtaý mindetti emes – QMDB

NUR-SULTAN. QazAqparat – Sanaýly kúnnen soń Oraza aıy bastalady. Osy oraıda Oraza kezinde jamaǵatpen namaz oqýda maska taǵyp, araqashyqtyqty saqtaý mindetti emes. Bul týraly Qazaqstan musylmandary dinı basqarmasy tóraǵasynyń orynbasary, naıb múftı Ershat qajy Ońǵar málim etti, dep habarlaıdy QazAqparat tilshisi.

«Ózderińiz biletindeı, mamandardyń aıtýynsha sońǵy ýaqytta eldegi epıdjaǵdaı turaqtalyp, karantın talaptary shetinen alynyp jatyr. Osyǵan oraı jamaǵatpen oqıtyn namaz kezinde maska taǵý árkimniń óz erkinde. Sonymen qatar namaz oqý kezinde araqashyqtyqty saqtaý da mindetti emes. ıAǵnı qalypty jaǵdaıda ótedi dep josparlap otyrmyz», - dedi naıb múftı Ershat qajy Ońǵar Ortalyq kommýnıkatsııalar qyzmetinde onlaın ótken baspasóz máslıhatynda.

Onyń aıtýynsha, bıylǵy Orazada 5 ýaqyt namaz el meshitterinde qalypty jaǵdaıda oqylady.

«Búginde barlyq meshitterdiń esigi ashyq. Kez kelgen ýaqytta baryp, nıet etip, qulshylyq jasaýǵa bolady. Sonymen qatar Oraza kezinde qaıyrymdylyq jasap, sadaqa berý mańyzdy. Osy oraıda sadaqa berýdiń birneshe tásili bar. Atap aıtqanda, meshitterdiń janynda arnaıy termınaldar qoıylǵan. Odan bólek, mobıldi telefondaǵy túrli qosymshalar arqyly da sadaqa etý múmkindigi bar», - deıdi ol.

Buǵan deıin basqarma tóraǵasynyń orynbasary Oraza ustaǵan adam vaktsına alýǵa bola ma degen saýalǵa jaýap berdi.

Aıta keteıik, bıyl Ramazan aıy 2 sáýirde bastalyp, 1 mamyrda aıaqtalady.