Jalynnyń munaı bazasyna ótýine órt sóndirý poıyzdarynyń kómegimen toıtarys berilgen

NUR-SULTAN. QazAqparat – Qostanaı oblysy Amanqaraǵaı aýylyndaǵy munaı bazasyna jalynnyń taralýyna órt sóndirý poıyzdarynyń kúshimen jol berilgen joq. Bul týraly tótenshe jaǵdaılar mınıstri ıÝrıı Ilın jedel brıfıngide málim etti, dep habarlaıdy QazAqparat.

«QTJ bólimshesi bizge úlken kómek kórsetti. Amanqaraǵaı aýylyndaǵy munaı bazasynda jarylys qaýpi boldy. Órt sóndirý poıyzdarynyń kúshimen órttiń munaı bazasyna taralýyna jol berilgen joq, bul qaıǵyly saldarǵa ákelýi múmkin edi. Jumys jalǵasyp jatyr», - dedi ıÝ. Ilın.

Órt ornynda Esil, Qusmuryn, Tobyl, Atbasar jáne Qostanaı stantsııalarynyń bes órt sóndirý poıyzy jumyldyrylǵan. 250 temirjolshy tartyldy. Jańa Esil stantsııasynyń órt sóndirý poıyzy daıyndyqta tur. Poıyz quramynda tsısternalar men vagon-sorǵy stantsııasy bar. Órt sóndirý poıyzynyń jalpy syıymdylyǵy – 100 tonna sý, órt sóndirý jeńderiniń uzyndyǵy bir shaqyrymnan asady.

Esil órt sóndirý poıyzynyń bastyǵy Murat Hasenov Amanqaraǵaı stantsııasyndaǵy órt jaǵdaıy týraly aıtyp berdi. Órt sóndirý poıyzynyń qyzmetkerleri munaı bazasynyń rezervýarlaryna jaqyn kelgen órtti sóndirgen.

«Jumys qıyn jaǵdaıda júrip jatyr: tútin, túk kórinbeıdi. Úılesimdi is-qımyldar nátıjesinde órtti toqtatyp, strategııalyq nysandarǵa jibermedik. Jaǵdaı baqylaýda», - dedi M. Hasenov.

Qusmuryn stantsııasynyń órt sóndirý poıyzy tartymdyq qosalqy stantsııany órtten qorǵaýǵa kiristi.

«Órt orman jaǵynan keldi. Biz ony toqtata aldyq, sodan keıin jumysty jalǵastyrdyq: TJM órt sóndirý mashınalaryn sýmen toltyramyz, bul sý kózderin izdeýge jáne ony avtokólikpen jetkizýge ýaqytty aıtarlyqtaı únemdedi», - deıdi órt sóndirý poıyzynyń bastyǵy Berik Asanov.

Órt sóndirý poıyzdaryna 52 mashına (300 tonna) sý quıyldy. Temirjolshylar aralyqtarda ınfraqurylym nysandaryna jalynnyń taralýyn boldyrmaı, bólingen jolaqta órtti sóndirdi, sonyń arqasynda 4 qyrkúıek kúni tańerteń júk jáne jolaýshylar poıyzdarynyń qozǵalysy bastaldy.