Jalyn sharpyǵan aımaqtaǵy úsh aýyldan kóshirilgen 50 shaqty adam Semeıde turyp jatyr

SEMEI. QazAqparat - Abaı oblysy bilim basqarmasy Ozersk aýyl okrýginiń úsh eldi mekeninen 50-ge jýyq adam Semeı qalasyna evakýatsııalanǵanyn habarlady. Onyń ishinde 14 jasqa deıingi 13 bala bar. Barlyǵy qaýipsiz jerde turyp jatyr, dep habarlaıdy QazAqparat bala quqyqtaryn qorǵaý komıtetine silteme jasap.

Balalar men ata-analar jatahana, kolledj ǵımarattaryna ornalastyrylyp, barlyq qajetti zattarmen tolyq qamtamasyz etildi.

Olarǵa kásibı psıholog kómek berdi.

Bul otbasylar úshin kınoteatr men bıologııalyq ortalyqta ártúrli kóńil kóteretin sharalar uıymdastyryldy.

Tótenshe jaǵdaıdan jetim jáne ata-anasyz qalǵan balalar uıymdary, jazǵy demalys oryndary zardap shekken joq.

Abaı oblysynyń bilim basqarmasy, aýdandyq bilim bólimderi jáne óńirdegi bala quqyqtary jónindegi ókil táýlik boıy kezekshilikte.

Oqıǵa ornynda bala quqyqtaryn qorǵaý komıtetiniń ókili de bolǵan.