Jalpyulttyq telekópir: Quryq portynyń paromdyq termınaly jumysyn bastady
Qazaqstannyń tranzıttik áleýetin damytý jáne Eýrazııa qurlyǵyndaǵy logıstıkalyq torapty qurý jobasyn iske asyrý maqsatynda Memleket basshysy Nursultan Nazarbaev Quryq porty (Mańǵystaý oblysy) paromdyq termınalynyń birinshi kezeńin iske qosty.
«Qazaqstan temir joly» UK» AQ vıtse-prezıdenti Baýyrjan Orynbasarov Quryq porty Transkaspıılik kólik dáliziniń negizgi bóligi ekenine toqtala kele, 2017 jyly 1,2 mln tonna júkti ótkizý qamtamasyz etilgenin jetkizdi.
«Jańa avtomobıldik-paromdyq keshen jyl saıyn qosymsha 2 mln tonna júkti qamtıdy. Búgin biz Túrkııaǵa jáne Eýropa elderine jańa baǵdarlardy iske qospaqpyz»,- dedi B. Orynbasarov.
Óz kezeginde Elbasy bul jobalardy iske asyrý úlken jumysty qajet etetinin atap ótti. Osy oraıda Quryq portynyń múmkindigi arqyly Qazaqstannyń eksporttyq áleýeti artatynyn jetkizdi.
«Sondyqtan osyndaı uly jobalarǵa qatysyp jatqandaryńyz úshin quttyqtaımyz. Osyny iske qosqandaryńyz úshin elge úlken jaqsylyq jasaısyńdar», - dedi Memleket basshysy.
