Jalpyulttyq sotsıal-demokratııalyq partııasy Májiliske ótken depýtattardyń tizimin tanystyrdy
Atap aıtqanda, 19 naýryzda ótken saılaýda. Jalpyulttyq sotsıal-demokratııalyq partııasyna 5,20% nemese 331 058 adam daýys berdi. Osy oraıda bul partııaǵa 4 mandat tıesili boldy.
Partııanyń saıası keńesiniń sheshimi boıynsha tizimge myna adamdar endi:
Nurlan Áýesbaev;
Ashat Rahymjanov;
Ajar Saǵandyqova;
Naýryz Saılaýbaı.
«JSDP-nyń partııalyq tizimi 19 kandıdattan turǵanyn atap ótemiz. Olardyń bári kandıdattarǵa qatysty QR zańnamasy talaptaryna saı keledi»,-delingen partııanyń baspasóz qyzmeti taratqan habarlamada.
Budan buryn habarlanǵandaı, 27 naýryz kúni Ortalyq saılaý komıssııasy QR Parlament Májilisi depýtattaryn kezekten tys saılaýynyń túpkilikti qorytyndysyn shyǵardy. Saılaý kúni 6 366 441 adam daýys berdi.
Segizinshi saılanǵan Qazaqstan Respýblıkasy Parlamentiniń birinshi sessııasy 2023 jylǵy 29 naýryzda saǵat 10.00-de ótedi.
