Jalpyulttyq sanaq derekteri qaı jerde saqtalatyny belgili boldy

NUR-SULTAN. QazAqparat – Jalpyulttyq sanaq arqyly alynǵan azamattardyń málimeti Ulttyq qaýipsizdik komıtetinde saqtala ma? Ulttyq statıstıka bıýrosynyń basshysy Nurbolat Aıdapkelovke Ortalyq kommýnıkatsııalar qyzmetinde ótken brıfıngide osyndaı suraq qoıyldy, dep habarlaıdy QazAqparat tilshisi.

«Joq, sanaq derekteri bizdiń serverlerde saqatalady. Biraq derekterdiń qaýipsizdigi men tasymaldanýy arnaıy organdar qoıyp otyrǵan talaptardyń bárine saı. Bul jerde qaýipsizdik turǵysynan ǵana organdar talap qoıatynyn aıtyp otyrmyn», - dedi bıýro basshysy.

Resmı derek boıynsha, eki aptada Halyq sanaǵynyń onlaın kezeńine qatysqandardyń sany 3 mln adamnan asqan.

«Halyq sanaǵy bastalǵan kúnnen bastap eki apta ótti. Ózderińiz biletindeı, qazirgi ýaqytta ol tek onlaın rejımde ótip jatyr. Sanaq suraqtaryna jaýap berýdi birneshe tásili bar. Bul - arnaıy Sanaq.gov.kz saıtyn, eGov portalynda avtorzatsııalaný arqyly, Aitu mobıldik qosymshasyn paıdalaný múmkindigi bar. Búgingi saǵat 14.00-degi jaǵdaı boıynsha, sanaqtan 3 mln 24 myń azamat ótti», - dedi Nurbolat Aıdapkelov.