Jalpyulttyq aza tutý: Túrkııa elshiligi memlekettik týyn túsirdi

NUR-SULTAN. QazAqparat – Túrıkıanyń Qazaqstan Respýblıkasyndaǵy Elshiligi qazaq halqymen tilektestik nıetin bildirip, Nur-Sultan qalasyndaǵy ǵımaratyna ilingen memlekettik týdy tómen túsirdi, dep habarlaıdy QazAqparat tilshisi.

Bul týraly Elshiliktiń Facebook -tegi paraqshasynda habarlandy.

«Qazaqstanda jarııalanǵan ulttyq aza tutý kúnine baılanysty baýyrlas qazaq halqymen tilektestik nıetinde Elshiligimizdegi týymyzdy jartylaı tómen túsirdik. Osy oraıda, jarylystardan qaza tapqandarǵa taǵy da Alladan raqym, jaralanǵandardyń da tezirek saýyǵyp ketýin tileımiz», - dep jazylǵan Facebook-tegi málimette.

Eske salsaq, keshe QR Prezıdenti Qasym-Jomart Toqaev 29 tamyzdy Jalpyulttyq aza tutý kúni dep jarııalaǵan bolatyn.

«Jambyl oblysy Baızaq aýdanyndaǵy adam ólimine ákep soqtyrǵan qaıǵyly oqıǵaǵa baılanysty 29 tamyzdy Jalpyulttyq aza tutý kúni dep jarııalaımyn. Qaza bolǵan áskerı qyzmetshiler men qutqarýshylar eren erlik pen naǵyz janqııarlyq kórsetti. Erlerimizdiń esimi el jadynda máńgi saqtalady», - dep jazdy Memleket basshysy Twitter-degi paraqshasynda.