Jalpyqalalyq senbilikke 80 myńǵa jýyq astanalyq qatysady dep kútilýde
ASTANA. 12 sáýir. QazAqparat - 10 sáýir kúni Astanada ekologııalyq aılyq bastaldy.
Dástúr boıynsha 20 sáýirde qalada abattandyrý, kógaldandyrý jáne sanıtarlyq tazalaý boıynsha jalpyqalalyq senbilik ótedi. Oǵan qazirdiń ózinde 80 myńǵa tarta astanalyq qatysady dep kútilýde. Bul týraly astana.kz saıtyna qala ákimdiginiń Ómir tirshiligin qamtamasyz etý jáne ınfraqurylymdy damytý bóliminen málim etti.
Jalpyqalalyq ekologııalyq senbilik aıasynda qalalyq jáne respýblıkalyq uıymdarmen birge «Astana-Kógaldandyrýqurylysy» AQ 2500 dana aǵash túrlerin otyrǵyzady.
Esil aýdanynda Turan dańǵyly boıynda 1 myń túp, Almaty aýdanyndaǵy kólik aıyryǵy kópirinde, Pýshkın jáne Aqjol kósheleriniń qıylysynda 1 300 túp, Saryarqa aýdanyndaǵy Tilendıev dańǵylynda 200 túp aǵash otyrǵyzý josparlanǵan.
«Qala ákimdiginiń tapsyrysy boıynsha 2200 tal men tamyr aǵashtaryn, ınertti materıaldardy (1059 sharshy metr topyraqqa 429 sharshy metr qum), sondaı-aq 3,5 tonna tas jáne qoqystardy jınaý úshin 5600 polıetılen qabyn bólý josparlanǵan», - dep habarlaıdy bólimnen. Ekologııalyq aılyq barysynda kógal aýmaǵy retke keltirilip, saıabaqtar men gúlzarlardy qala kóshelerin kúl-qoqystan tazartý jáne aǵashtardy ákpen aqtaý jumystary júrgiziledi.
