Jalpyǵa ortaq deklaratsııalaý aıasynda tekserý tetikteri qandaı bolmaq

NUR-SULTAN. QazAqparat – QR Sybaılas jemqorlyqqa qarsy is-qımyl agenttiginiń tóraǵasy Marat Ahmetjanov kiristi jalpyǵa ortaq deklaratsııa tapsyrý aıasynda júrgiziletin tekserý tetikterin jarııa etti, dep habarlaıdy QazAqparat tilshisi.

«Jalpyǵa ortaq deklaratsııalaý bastalǵan kezde kiris pen shyǵys arasyndaǵy aıyrmashylyq kórinetin bolady. Sondyqtan da búginde zańnamamen aıtarlyqtaı aıyrmashylyq retinde 10 paıyzdyq salyq aıyrmasy belgilengen. Endigi ýaqytta mundaı aıyrmashylyq qarjylyq tekserýge túrtki bolady», - dedi agenttik basshysy úkimettik emes uıymdar ókilderimen onlaın-kezdesýde.

Osy rette agenttik oıyn tarqata túsindirip berdi.

«Eger memlekettik qyzmetshi búginde shamamen 10 mln teńge tabys alatyn bolsa, al shyǵysy 100 mln teńgege jetse, onda «bul qarajatty qaıdan aldy» degen suraq týyndaıtyny sózsiz. Ol onyń zańdy alynǵan kiris ekendigin kórsetse eshqandaı suraq týyndamaıdy. Al eger ol túsindire almasa, onda onyń kólegeıli bıznesi bolýy múmkin. Onyń jemqorlyqpen tabylǵan aqsha bolýy mindetti emes. Demek, kiristiń qaıdan alynǵanyn túsindire almasa, onda qarajattyń qalǵan 90 paıyzy aıyppul túrinde tárkilenedi», - dedi Marat Ahmetjanov.