Jalpyǵa mindetti oqý qorynan qandaı kómek qarastyrylǵan
NURSULTAN. QazAqparat – Elordalyq oqýshylardy jańa oqý jylyna daıyndaý qalaı iske asyp jatqanyn Nur-Sultan qalasy Bilim berý basqarmasynyń basshysy Ánýar Janǵozın aıtyp berdi, dep habarlaıdy QazAqparat tilshisi.
Ánýar Janǵozın áleýmettik az qamtylǵan sanatqa jatatyn oqýshylardy jańa oqý jylyna daıyndaý eki baǵytta júrgiziletinin aıtty. Onyń biri jalpyǵa mindetti oqý qory arqyly iske assa, ekinshi baǵyt «Mektepke jol» jáne «Júrekten júrekke» aktsııalary arqyly ótedi.
«Jalpyǵa mindetti oqý qorynyń kómegine ataýly áleýmettik kómek alatyn otbasylardyń, jan basyna shaqqandaǵy tabys kólemi tómengi kúnkóris mólsherinen aspaıtyn januıalardyń, tótenshe jaǵdaıǵa tap bolǵan úılerdiń balalaryna jáne ata-anasynyń qamqorlyǵynsyz qalǵan oqýshylarǵa qarastyrylǵan. Qordyń aıasynda kómektiń birneshe túri engen. ıAǵnı, kúnine bir ret ystyq tamaq, mektep formasy, sporttyq kıim, keı jaǵdaıda qysqy jyly kıimder, mádenı-sport sharalarǵa qatysý shyǵyny, otbasy múshesi tótenshe jaǵdaıda qaıtys bolǵan jaǵdaıda qarjylaı kómek, aı saıyn toltyrylatyn jolaqy kartochkasy, keńse taýarlary jáne jazǵy lager tegin uıymdastyrylady», - dedi ol.
Basqarma basshysynyń aıtýynsha, ár mekteptiń jalpyǵa mindetti oqý qory bıýdjetten oqý jylyna bólingen qarajattyń bir paıyzynan kem bolmaýy tıis.
«Ótken oqý jylynda qor arqyly 2000-nan astam bala kómek alǵan. Bıyl ázirge 5000-nan astam ótinish tústi. Aldaǵy ýaqytta bul san 8000-nan asady degen boljam bar», - deıdi Ánýar Janǵozın.
Ol sondaı-aq atalmysh qarajatqa alynǵan mektep formasynyń sapasyna syn kóp aıtylatynyna toqtaldy.
«Formanyń sapasy boıynsha shaǵymdar kóp túsedi. Bıyl osy formalardy qabyldap alatyn komıssııa quramyna ata-analar da kiretin bolady», - dedi basqarma basshysy.
Brıfıng barysynda «Mektepke jol» aktsııasynyń aıasynda kómek alýǵa 3000-ǵa jýyq bala tirkelgeni de aıtyldy.
«Byltyr aktsııa aıasynda 7,5 myń balaǵa 153 mln teńgeniń kómegi kórsetilgen bolatyn. Bıyl da demeýshilerdi osy aktsııaǵa belsendi qatysýǵa shaqyramyz. Bul aktsııa aıasynda eń áýeli oqýshylardy keńse taýarlarymen, mektep jáne sport formasymen qamtamasyz etýge basymdyq beriledi. Aktsııa qandaı da bir sebeptermen jalpyǵa mindetti oqý qorynyń kómegine enbeı qalǵan oqýshylarǵa arnalǵan», - dedi ol.
