Jalpyǵa birdeı deklaratsııalaýdyń 3-kezeńi: Kirister komıtetiniń paıdaly keńesi
2024 jyldan bastap jalpyǵa birdeı deklaratsııalaýdyń 3-kezeńi bastalady. Osy oraıda, Komıtet aktıvter men mindettemeler týraly deklaratsııa tapsyratyn azamattar úshin jadynama ázirledi. Atap aıtqanda, 2024 jylǵy 1 qańtarǵa bul deklaratsııany kelesi sanattaǵy azamattar tapsyrady:
1) zańdy tulǵalardyń basshylary, quryltaıshylary jáne olardyń jubaılary;
2) jeke kásipkerler jáne olardyń jubaılary usynýy tıis.
Mindetteme kásipker nemese zańdy tulǵa qyzmet júrgizbegen jaǵdaıda da týyndaıtynyn eskerý qajet.
Osyǵan baılanysty, is júzinde kásipkerlik qyzmet bolmaǵan jaǵdaıda jyl sońyna deıin mynadaı is-áreketterdi jasaýǵa keńes beriledi:
1. Eger siz jeke kásipker bolsańyz, biraq qyzmet júrgizbeseńiz, kásipkerlikti ońaılatylǵan tártippen jabý úshin turǵylyqty turatyn jerińiz boıynsha Memlekettik kirister basqarmasyna júgine alasyz.
2. Eger siz zańdy tulǵanyń basshysy bolmasańyz, biraq zańdy tulǵanyń tirkeý derekterin ózgertpeseńiz, egov.kz veb-portalynda habarlama berý arqyly derekterdi túzete alasyz. Áreketsiz zańdy tulǵalar basshylarynyń tizimimen kgd.gov.kz saıtynyń «Jalpyǵa birdeı deklaratsııalaý» bóliminde tanysýǵa bolady.
3. Eger siz zańdy tulǵanyń basshysy (quryltaıshysy) bolsańyz, kásipkerlik qyzmetti júrgizbeseńiz jáne jalǵastyrýdy josparlamasańyz, kásiporynnyń tirkelgen jeri boıynsha Memlekettik kirister basqarmasyna júginýdi usynamyz. Salyq kodeksiniń 59-baby 1-tarmaǵynyń talaptaryna sáıkes bolǵan kezde zańdy tulǵa ońaılatylǵan tártippen, qalǵan jaǵdaılarda salyqtyq tekserý júrgizilgennen keıin taratylady.
Áreketsiz dep tanylǵan salyq tóleýshiler týraly, onyń ishinde olardyń basshylary týraly aqparat Qarjy mınıstrligi Memlekettik kirister komıtetiniń ınternet-resýrsynda ornalastyrylady. «Elektrondy servıster - bızneske kómek - senimsiz salyq tóleýshilerdiń tizimi - áreketsiz dep tanylǵan salyq tóleýshilerdiń tizimi» dep ótý kerek.
