Jalpyǵa birdeı deklaratsııalaý tabys salyǵyn azaıtýǵa múmkindik beredi

NUR-SULTAN. QazAqparat – QR Qarjy mınıstri Erulan Jamaýbaev jalpyǵa birdeı salyqtyq deklaratsııalaýdyń negizgi maqsattary men artyqshylyqtaryn aıtyp berdi, dep habarlaıdy QazAqparat.

«100 naqty qadam – Ult josparynyń 42 qadamyna sáıkes kirister men shyǵystardy jalpyǵa birdeı salyqtyq deklaratsııalaý júrgizý kózdelgen. Jalpyǵa birdeı deklaratsııalaýdyń maqsaty – jeke tulǵalardyń kiristeri men múlkin baqylaýdyń tıimdi júıesin qurý. Mundaı júıe kóleńkeli ekonomıkaǵa jáne sybaılas jemqorlyqqa qarsy kúreske baǵyttalǵan, sondaı-aq bıýdjetke qosymsha túsimderdi qamtamasyz etýge yqpal etedi», - dedi mınıstr Úkimettiń búgingi otyrysynda.

Bul rette, salyq salynatyn bazany tómendetý maqsatynda jeke tulǵalar áleýmettik salyq shegerimderin qoldana alady.

«Azamattardyń tıisti shyǵystary bolǵan kezde tabys salyǵynyń mólsherin azaıtýǵa múmkindik beredi. Deklaratsııalaý kezeń-kezeńimen, memlekettik qyzmetshilerden bastap, keıinnen barlyq azamattar úshin júrgiziledi», - dedi Qarjy mınıstri.

Eske sala ketsek, 2021 jylǵy 1 qańtarda jalpyǵa birdeı deklaratsııalaý júıesiniń alǵashqy kezeńine memlekettik qyzmetshiler, olarǵa teńestirilgen jubaılary engen edi.