Jalpy rejimdegi kolonııada Prezıdenttiń Qazaqstan halqyna arnalǵan Joldaýy talqylandy
ASTANA. 10 aqpan. QazAqparat /Ǵalymjan Hasenov/ - «Nur Otan» partııasynyń elordalyq fılıal tóraǵasy Qazbek Qazkenov jáne Astana qalasy arnaıy prokýratýrasy ókilderiniń qatysýymen jalpy rejimdegi kolonııada QR Prezıdentiniń halyqqa arnaǵan Joldaýyn talqylaý boldy,
dep habarlaıdy qalalyq QAJK departametinen.
Qylmystyq atqarý júıesi komıteti departamenti bastyǵynyń orynbasary Ermek Qojahmetovtyń aıtýynsha, Prezıdenttiń «Bolashaqtyń irgesin birge qalaımyz!» atty Qazaqstan halqyna arnaǵan Joldaýyn talqylaý barysynda onyń áleýmettik baǵyty erekshe atalyp ótildi.
Sonymen qatar Joldaýda qylmystyq atqarý júıesine tikeleı baǵyttalǵan mindetter boldy. Atap aıtqanda, N.Nazarbaev óz Joldaýynda «Qylmystyq atqarý júıesindegi adamdardyń AIV jáne týberkýlez aýrýlarynan kóz jumýy men syrqattaný deńgeıine basa nazar bólý kerek», - dep atap ótken bolatyn.
Іs-sharanyń sońynda qonaqtar rejimdi nysandaǵy áleýmettik-turmystyq jaǵdaılarmen tanysyp, jazasyn ótep jatqan 20-ǵa jýyq adamdy jeke máseleleri boıynsha qabyldady.
