Jalpy respýblıka boıynsha «Mamandyqtar jármeńkesi» ótedi
Sonymen bir mezgilde búkil respýblıka boıynsha QR Eńbek jáne halyqty áleýmettik qorǵaý mınıstrliginiń bastamasymen 19-21 maýsym aralyǵynda jalpy respýblıkalyq «Mamandyqtar jármeńkesi» ótkiziledi. Bul týraly Ońtústik Qazaqstan oblysy ákimdiginiń baspasóz qyzmetinen habarlandy.
Jármeńkeniń basty maqsaty - jumys berýshiler men bilim berý mekemeleri arasynda baılanys ornatyp, kadr daıarlaý máselelerin eńbek rynogyndaǵy jumys kúshiniń qajettiligine sáıkes uıymdastyrý. ıAǵnı, shara aıasynda jumys berýshiler oqý oryndary daıarlaıtyn mamandyqtarymen, oqý tehnologııalarymen tanysyp ózderine qajetti kadr daıarlaýǵa, oqý oryndaryn aıqyndaýǵa múmkindik alady. Sonymen birge, jumys berýshiler úshin áleýetti jumysshy tabýǵa, al oqý oryndary eńbek naryǵyna sáıkes kadr daıyndaýǵa qajettilikterdi saralaıdy.
Atalǵan jármeńke OQO barlyq aýdandary men qalalarynda uıymdastyrylady. Qazirdiń ózinde sharany nátıjeli ótkizý maqsatynda daıyndyq jumystaryn júrgizetin oblys deńgeıinde arnaıy shtab, aýdandar men qalalar deńgeıinde jumysshy toptary qurylyp, is-sharalar jospary túzilgen. Jármeńkeler saltanatty túrde ashylyp, onda kontserttik baǵdarlamalar uıymdastyrylady jáne beınerolıkter kórsetiledi.
"Eki kúndik jármeńkeniń nátıjeleri kúndelikti onlaın-rejımde saǵat 12.00, 15.00, 19.00-de Eńbek mınıstrligine usynylyp, qorytyndylanady. 2013 jyldyń 18 maýsymyna oblys boıynsha jármeńkege 29 oqý oryndary men 239 jumys berýshiler qatysýǵa nıet bildirdi. Qatysýshy jumys berýshiler jumys izdeýshilerge 7836 jumys oryndaryn usynǵaly otyr" delingen baspasóz baıanynda.