Jalpy otyrysta zııatkerlik menshik, notarıat, ekologııalyq máselelerge qatysty zań jobalary talqyǵa tústi

Jalpy otyrysta «Qazaqstan Respýblıkasynyń keıbir zańnamalyq aktilerine zııatkerlik menshik máseleleri boıynsha ózgerister men tolyqtyrýlar engizý týraly»zań jobasy birinshi oqylymda talqyǵa tústi.

Atap aıtý kerek, osy zań jobasymen zııatkerlik menshik quqyǵy máselelerin retteıtin Qazaqstan Respýblıkasynyń qoldanystaǵy zańnamalyq aktilerine ózgerister men tolyqtyrýlar engizý kózdelgen.

Qazaqstan Respýblıkasynyń Azamattyq kodeksine engizilip otyrǵan ózgerister ártúrli taýarlardy, jumystardy jáne qyzmetterdi daralandyrý quraldarynyń tirkeý basymdyǵyn zańnamalyq deńgeıde retteýge baǵyttalǵan, óıtkeni qazirgi tańda bir-birine uqsas nemese aralasyp ketken dárejege deıin birdeı taýar tańbalary men fırmalyq ataýlardy tirkeý barysynda máseleler týyndaıdy. Budan basqa, jobaǵa sáıkes kez kelgen tulǵa ýákiletti organǵa taýar tańbalarynyń paıdalanylmaýyna baılanysty ony jaramsyz dep taný týraly qarsylyq berýge quqyly bolyp tabylatyn taýar tańbalaryn paıdalanbaý máseleleri boıynsha zańnamalyq aktilerdiń normalaryn birdeı qoldaný kózdelip otyr.

Zań jobasynda kózdelgen ózge de zańnamalyq aktilerge túzetýler ishki qarama-qaıshylyqtardy joıýǵa, patenttik senim bildirilgen ókilderdiń mártebesin zańnamalyq turǵydan bekitýge, sondaı-aq ónerkásiptik menshik obektilerine ótinimderdi qaraý merzimderin qysqartýǵa baǵyttalǵan.

Qazaqstan Respýblıkasynyń Dúnıejúzilik saýda uıymyna (DSU) kirýi sharttarynyń biri ulttyq zańnamanyń normalaryn DSU sheńberinde jasalǵan Zııatkerlik menshiktiń saýda aspektileri boıynsha (TRIPS) kelisimniń talaptaryna sáıkes keltirý bolyp tabylady.

TRIPS Kelisimi zııatkerlik menshik quqyqtarynyń barlyq dástúrli túrlerin - avtorlyq quqyqtardy, sabaqtas quqyqtardy, ónerkásiptik menshikke quqyqtardy, onyń ishinde taýar tańbalaryn jáne geografııalyq kórsetkishterdi qorǵaýdy qamtamasyz etýge baǵyttalǵan jáne osy Kelisimge qatysýshy barlyq memleketter úshin mindetti standarttardy aıqyndaıdy.

Osyǵan baılanysty «Taýar tańbalary, qyzmet kórsetý tańbalary jáne taýar shyǵarylǵan jerlerdiń ataýlary týraly» Zańǵa engizilip otyrǵan ózgerister men tolyqtyrýlar taýar tańbalary men geografııalyq kórsetkishterdi tirkeý basymdyǵyn retteıtin normalardy jetildirýge jáne zańnamany halyqaralyq quqyq normalarymen úılestirýge baǵyttalǵan.

Parlament Májilisiniń komıtetteri zań jobasy boıynsha qorytyndylaryn berdi, al Májilis depýtattary birqatar usynystar men eskertýler engizdi, olar jumys tobynyń jáne Komıtettiń otyrystarynda egjeı-tegjeıli qaraldy. Zań jobasyna usynylǵan túzetýler salystyrma kestede jazylǵan. Zań jobasy zań tehnıkasy qaǵıdalaryna sáıkes keltirildi.

Zań jobasy birinshi oqylymda maquldandy.

Kelesi kezekte Ujymdyq qaýipsizdik týraly shartqa qatysýshy memleketter arasyndaǵy hattamany bekitýdi kózdeıtin ekizań jobasy qaralyp, tolyqtaı maquldandy.

Sondaı-aq búgin«Notarıat týraly»zańǵa ózgerister men tolyqtyrýlar engizýdi qarastyratyn zań jobasy talqylandy.

Osy zań jobasy notarıattyq qyzmetti memlekettik retteýdi jetildirý jáne sybaılas jemqorlyqqa jaǵdaı jasaıtyn birqatar normalardy alyp tastaý maqsatynda ázirlendi, onyń ishinde notarıýstardyń bos orynyna ornalasýǵa kandıdatýralardy konkýrs arqyly irikteıtin jáne olardyń sanyna shekteý qoıatyn normalardy alyp tastaýdy kózdeıdi.

«Ákimshilik tosqaýyldardy azaıtý maqsatynda biliktilik emtıhanyn qabyldaý júıesin Ádilet departamentterine bere otyryp, ony ortalyqsyzdandyrý týraly sheshim qabyldandy. Sonymen qatar, biliktilik komıssııasynyń jumysyn ashyq etýge jáne onyń qabyldaǵan sheshimderin obektıvti etýge baǵyttalǵan normalar qarastyrylyp jatyr. Depýtattardyń usynystary boıynsha notarıattyq tarıfterdiń qatań stavkalary belgilendi, ol halyq úshin de, memleket úshin de yńǵaıly bolyp otyr. Budan basqa, ol josyqsyz básekelestik úshin alǵysharttardy boldyrmaýǵa múmkindik beredi.

Sondaı-aq búgin «Qazaqstan Respýblıkasynyń keıbir zańnamalyq aktilerine ekologııalyq máseleler boıynsha ózgerister men tolyqtyrýlar engizý týraly» zań jobasy ekinshi oqylymda talqyǵa shyǵaryldy.

Bul zań joba Parlament Májilisine 2001 jylǵy 12 qańtarda kelip tústi. Zań jobasymen Ekologııalyq, Qylmystyq, Salyq, Bıýdjet kodeksterine, «Ákimshilik quqyq buzýshylyqtar týraly» kodekske jáne basqa da zańnamalyq aktilerge jınaqtalǵan qaldyqtar kólemin azaıtýdy yntalandyrý; ekologııalyq quqyq buzýshylyqtar úshin qylmystyq jáne ákimshilik jaýapkershilikti kúsheıtý; Qazaqstan Respýblıkasynyń ekologııalyq zańnamasyna Kıoto hattamasynyń quqyqtyq tetikterin engizý; elimizdiń gıdrometeorologııalyq qyzmetiniń jumysyn retteıtin normalardy jetildirý jóninde ózgerister men tolyqtyrýlar engizý kózdelgen.

Zań jobasy ekinshi oqylymda maquldandy.