Jalpy otyrysta birqatar zań jobalary talqyǵa salynady
ASTANA. Sáýirdiń 20-sy. QazAqparat - Erteń, sáýirdiń 21-i kúni, QR Parlamenti Májilisiniń jalpy otyrysy ótedi, dep habarlaıdy QazAqparat.
Májilistiń jalpy otyrysynyń kún tártibine «Mádenıet týraly» Qazaqstan Respýblıkasy Zańyna ózgerister men tolyqtyrýlar engizý týraly» zań jobasy boıynsha Májilis pen Senat arasyndaǵy kelispeýshilikterdi eńserý jónindegi kelisim komıssııasynyń usynystary engiziletin boldy. Bul jóninde Májilistiń Áleýmettik-mádenı damý komıtetiniń habarlamasy tyńdalady.
Depýtattardyń talqysyna «Qazaqstan Respýblıkasynyń keıbir zańnamalyq aktilerine Qazaqstan Respýblıkasynyń «elektrondyq úkimetin» damytý máseleleri boıynsha ózgerister men tolyqtyrýlar engizý týraly» zań jobasy birinshi oqylymda usynylady. Zań jobasy týraly QR Baılanys jáne aqparat mınıstri Asqar Jumaǵalıev baıandama jasaıtyny josparlanýda. Jumys tobyndaǵy talqylaýlar qorytyndysy jaıly Májilis depýtaty Shavhat Ótemisov túsinik beredi.
«Tańbalardy halyqaralyq tirkeý týraly Madrıd kelisimine hattamany ratıfıkatsııalaý týraly» zań jobasy týraly Ádilet mınıstriniń orynbasary Marat Beketaev baıandaıdy. Qosymsha baıandama jasaý mindeti Májilistiń Halyqaralyq ister, qorǵanys jáne qaýipsizdik komıtetiniń múshesi Kamal Burhanovqa júktelgen.
Sonymen qatar «Turǵyn úı qatynastary týraly» Qazaqstan Respýblıkasynyń Zańyna ózgerister men tolyqtyrýlar engizý týraly» zań jobasyn talqyǵa salý kózdelip otyr. Osy parlamentshiler bastamashy bolǵan zań jobasynyń mańyzdylyǵy týraly Májilis depýtattary Vladımır Bobrov pen Amanǵos Ótegenov túsinik beredi.
