Jalpy otyrysta arnaıy ekonomıkalyq aımaqtar máseleleri boıynsha tolyqtyrýlar engizý týraly zań jobasy ekinshi oqylymda talqylanatyn boldy - Májilis
ASTANA. 4 qańtar. QazAqparat - Parlament Májilisi jańa jyldyń alǵashqy Bıýrosynda Palatanyń aldaǵy ótetin jalpy otyrysta qaralatyn qosymsha máselelerdi anyqtady.
Májilis apparaty baspasóz qyzmetiniń habarlaýynsha, depýtattardyń talqylaýyna «Qazaqstan Respýblıkasynyń keıbir zańnamalyq aktilerine arnaıy ekonomıkalyq aımaqtar máseleleri boıynsha ózgerister men tolyqtyrýlar engizý týraly» zań jobasy ekinshi oqylymǵa shyǵarylatyn boldy.
Kún tártibiniń jobasyna Palata qorytyndy ázirleý merzimin naqtylaıtyn: «Qazaqstan Respýblıkasynyń Úkimeti men Ýkraınanyń Mınıstrler Kabınetiniń arasyndaǵy 2010 jylǵy 14 qyrkúıektegi Qazaqstan Respýblıkasynyń Úkimeti men Ýkraınanyń Mınıstrler Kabınetiniń arasyndaǵy Qazaqstan Respýblıkasynyń Ýkraınadaǵy jáne Ýkraınanyń Qazaqstan Respýblıkasyndaǵy dıplomatııalyq ókildikterin ornalastyrý sharttary týraly kelisimge ózgeris engizý týraly hattamany ratıfıkatsııalaý týraly» zań jobasy qosyldy.
Sonymen qatar, «Eýropa Qaıta Qurý jáne Damý Bankin qurý týraly kelisimge onyń Ońtústik jáne Shyǵys Jerorta teńizi elderindegi qyzmetin sanktsııalaıtyn túzetýdi ratıfıkatsııalaý týraly»; «Eýropa Qaıta Qurý jáne Damý Bankin qurý týraly kelisimge alýshy elderde jáne áleýetti alýshy elderde arnaıy qorlardyń qarajatyn paıdalanýdy sanktsııalaıtyn túzetýdi ratıfıkatsııalaý týraly» jáne «Jańartylatyn energııa jónindegi halyqaralyq agenttiktiń (IRENA) Jarǵysyn ratıfıkatsııalaý týraly» aktiler de osy topqa endi.
QR Parlamenti Májilisiniń Tóraǵasy Nurlan Nyǵmatýlın Palatanyń komıtetterine tıisti memlekettik organdarmen birlese otyryp aldaǵy bolatyn jalpy otyrysta qaraýǵa josparlanǵan zań jobalaryn muqııat ári sapaly ázirleýdi tapsyrdy.
