Jalpy quny shamamen 200 mlrd teńgeniń 15 jobasy qarastyrylyp jatyr - QR AShM
Aýyl sharýashylyǵy ónimderin qaıta óńdeý boıynsha jobalardy memlekettik qoldaý «Agrobıznes - 2020» baǵdarlamasynyń jáne ÚIID MB ekinshi besjyldyǵynyń basyńqy mindetteriniń biri. «Atap aıtqanda, avstrııalyq jáne nemis seriktesteriniń qatysýymen etti mal sharýashylyǵynda klasterdi qurý boıynsha 4 jobany júzege asyrý usynylyp otyr. Máselen, «Evrazııa Agro Holdıng» JShS óndiris qaldyqtaryn qaıta óńdeý baǵytymen birge, jylyna 17 myń tonna etti óndiretin qýattylyqpen qaıta óńdeý keshenin salýdy josparlap otyr. Sondaı-aq ,qus óniminiń ımportyn 50 paıyzǵa deıin qysqartýǵa múmkindik beretin gollandııalyq, avstrııalyq jáne ýkraınalyq kompanııalarmen 90 myń tonna qýattylyǵymen 3 qus fabrıkasynyń salynýy qarastyrylyp otyr», delingen QR AShM baspasóz qyzmetiniń málimetinde. Munymen qosa, ósimdik maıy men sút ónimderin óndirý boıynsha jobalar qarastyrylýda. Tanymal sheteldik kompanııalardyń qatysýy ozyq tájirıbeni engizýmen qatar, zamanaýı tehnologııalardyń taratylýyna, qazaqstandyq ónimniń eksportyn keńeıtýge múmkindik beretin halyqaralyq naryqtardy qalyptastyrýǵa óz septigin tıgizbek. Jobalardyń jalpy quny shamamen 200 mlrd. teńgeden aspaq. «Serpindi jobalardyń tizimine qajet bolǵan jaǵdaıda túzetýler engiziledi»,-dep atap ótilgen vedomstvo habarlamasynda.
