Jalpy qýaty 202 MVt bolatyn 13 maınıng-ferma anyqtaldy

NUR-SULTAN. QazAqparat – Elimizdiń aýmaǵynda jalpy 202 MVt bolatyn 13 maınıng-ferma anyqtaldy. Bul týraly QR Energetıka mınıstrliginen málim etti, dep habarlaıdy QazAqparat tilshisi.

«Jaqynda QR Energetıka mınıstrliginiń Atomdyq jáne energetıkalyq qadaǵalaý men baqylaý komıteti aýmaqtyq departamentteriniń qyzmetkerleri quqyq qorǵaý jáne basqa da múddeli memlekettik organdar ókilderiniń qatysýymen tsıfrlyq maınıng obektilerin anyqtaý maqsatynda birlesken tekserýler júrgizdi. Sońǵy 5 kúnde mobıldi toptar júrgizilgen tekserýler nátıjesinde jalpy tutyný qýaty 202 MVt bolatyn 13 maınıng-fermany anyqtalyp, jumysy toqtatyldy», - dep atap ótedi mınıstrlikten.

Vedomstvo málimetinshe, tsıfrlyq maınıng qyzmetin júzege asyrý faktileri mynalar: Qaraǵandy oblysynda jalpy qýaty - 31,3 MVt, Pavlodar oblysynda - 22 MVt, Túrkistan oblysynda - 3,28 MVt, Aqmola oblysynda - 1,03 MVt, Qostanaı oblysynda - 0,82 MVt, Nur-Sultan qalasynda - 1,8 MVt, Almaty qalasynda - 3,5 MVt, Shymkent qalasynda – 4 MVt. Sondaı-aq tsıfrlyq maınıngke shekteý engizilgen Batys Qazaqstan oblysynda jalpy qýaty - 91 MVt, Qaraǵandy oblysynda 44 MVt maınıng-ferma anyqtaldy.

«Mobıldi toptyń maınıng fermalaryn anyqtaý jáne elektr jelilerinen ajyratý jumysy jalǵasady. Sondaı-aq anyqtalǵan maınıng fermalary boıynsha ýákiletti organdar jedel tergeý is-sharalaryn júrgizýde», - delingen taratylǵan aqparatta.