Jalpy qazaq jerindegi tarıhty jasaǵan birden-bir ult - qazaq, tarıhshy Qambar Atabaev
ALMATY. 13 jeltoqsan. QazAqparat - Qazaqstan tarıhynyń basty obektisi qazaq tarıhy bolý kerek. Bul másele búgin Almatyda ótken «Qazaq kóterilisteri: áleýmettik sebepteri jáne saıası sabaqtary» dep atalatyn ǵylymı-tájirıbelik konferentsııada sóz boldy.
«Kez-kelgen ǵylymı-zerteý jumysy obekti anyqtaýdan bastalady. Termınderdi dál anyqtap, paıdalanbaı ǵylym esh ýaqytta óziniń maqsat-mindetine jetpeıdi. Ókinishke oraı bizder, tarıhshylar kúni búginge deıin ózimizdiń zertteý nysanymyzdy qazaq tarıhy emes Qazaqstan tarıhy dep ataýymyz úlken qatelikterge uryndyryp júr», - deıdi tarıh ǵylymynyń doktory Qambat Atabaev. Ál-Farabı atyndaǵy Qazaq ulttyq ýnıversıtetiniń professorynyń paıymdaýynsha, Qazaq ult-azattyq qozǵalysy ár kezeńde ártúrli pishinde kórinis tartty. Kóterlis pen ereýil ult-azattyq qozǵalystyń belgili bir kórinisi. Ult-azatttyq qozǵalys - qazaq tarıhynyń maqtan tutar úlken bir salasy. Jalpy qazaq jerindegi tarıhty jasaǵan birden-bir ult - qazaq. Qazaqstanda bir ǵana ult bar, qalǵany dıasporalar. Sondyqtan Qazaqstan tarıhyn qazaq tarıhynan bastaý kerek.
