Jalpy ishki ónimniń kólemi munaı baǵasyna táýeldi - Qoǵamdyq-memlekettik saıasatty zertteý ortalyǵynyń atqarýshy dırektory
ALMATY. Qarashanyń 17-si. QazAqparat /Erlik Erjanuly/ - Qazaqstan ekonomıkasy qazirgi tańda munaı baǵasyna táýeldi. Bul búgin Almatyda ótip jatqan AQSh pen Qazaqstan arasyndaǵy memlekettik-jeke ekonomıkalyq áriptestik bastamasy aıasynda uıymdastyrylǵan dóńgelek ústel jıynynda aıtyldy,
dep habarlaıdy QazAqparat.
«2003-2007 jyldary munaı-gaz sektory el ekonomıkasynda jyl saıyn 10 paıyzdyq damýdy qamtamasyz etti. Qazaqstan ekonomıkasy munaı-gaz sektoryna qanshalyqty táýeldi degenge keletin bolsaq sońǵy 8 jylda munaı-gaz sektorynyń úlesi JІÓ-de 10 paıyzdan, 22 paıyzǵa jýyq ósti. Munaı-gaz sektorynyń kirisi memlekettik jalpy jıyntyq kirisiniń 30 paıyzyn qamtamasyz etti. Kómirsýtek resýrstary jalpy eksporttyń 63 paıyzyn, al mıneraldyq resýrstardyń 73 paıyzyn quraıdy», deıdi Qoǵamdyq-memlekettik saıasatty zertteý ortalyǵynyń atqarýshy dırektory Merýert Mahmutova. Onyń aıtýynsha, 1990 jyldardan keıin sheteldik tike ınvestıtsııada munaı-gaz salasynyń shyrqaý shyńy 72-74 paıyzǵa jetken edi. Degenmen sońǵy jyldary ol ózgerip, byltyr 18 paıyzǵa deıin azaıdy. Bul ınvestorlardyń ózge salalarǵa qarjy salýyna baılanysty oryn alyp otyr.
