Jalpy ishki ónimde saqtandyrý syıaqysynyń úlesi 0,65 paıyz -
ALMATY. Aqpannyń 15-i. QazAqparat /ErlikErjanuly/ - Qazaqstannyń saqtandyrý naryǵyndaǵy daǵdarys kúrdeli jaǵdaıda emes.
Ony "Sentras Inshýrans" kompanııasynyń Basqarma tóraǵasy Talǵat Úsenov búgin Almatyda naryqtaǵy avtosaqtandyrý qyzmetin jetildirý jaıynda ótken baspasóz máslıhatynda aıtty, dep habarlaıdy QazAqparat.
"Ótken jyly avtosaqtandyrý naryǵyndaǵy daǵdarys tereńdedi. 2008 jyly bastalǵan bul daǵdarys aldyńǵy jyly 9 paıyzdy, al byltyr 15 paıyzdy qurady. Áıtse de bul kúrdeli bank sektory sııaqty kúrdeli jaǵdaıda emes. Ol barlyq salany birdeı qamtyp otyrǵan joq. Óıtkeni saqtandyrýdy engizý ázirge aıtarlyqtaı deńgeıde emes. Saqtandyr syıaqysyn jınaýdyń kólemi qazir 80 mıllıon dollar", deıdi Talǵat Úsenov. "Sentras Inshýrans" saqtandyr kompanııasy" AQ-nyń Basqarma tóraǵasynyń aıtýynsha, saqtandyrý syaqysynyń úlesi jalpy ishki ónimde 0,65 paıyzdy quraıdy. Ol damyǵan elderde 15 paıyz bolsa, Shyǵys Eýropa elderinde orta eseppen 7-8 paıyzdy quraıdy. Sondaı-aq saqtandyrý syıaqysynyń kólemi jan basyna shaqqanda respýblıkada 50 dollardy, al Shyǵys Eýropa elderinde 1 myń evrony quraıdy. Qazirgi tańda tutynýshydan alys ónim bop turǵanmen, jalpy Qazaqstandaǵy saqtandyrý naryǵynyń bolashaǵy óte zor.
