Jalpy ishki ónim 2,3% tómendeıdi – Ulttyq bank
«Bazalyq stsenarıı boıynsha ishki suranys pen eksporttyń tómendeýine baılanysty 2020 jyly jalpy ishki ónim 2-2,3% tómendeıdi. Tutynýshylardyń suranysy qysqarady dep kútilýde.Pandemııaǵa baılanysty halyqtyń aqshalaı kirisi azaıdy. Munaı baǵasynyń tómendeýi, sondaı-aq ekonomıkalyq belsendiliktiń qysqarýy jáne TShO qurylysyndaǵy ınvestıtsııalyq belsendiliktiń báseńdeý negizgi faktorlar bolady», - dedi Aqyljan Baımaǵambetov.
Sonymen qatar, ol syrtqy suranystyń tómendeýine jáne OPEK + kelisimi boıynsha óndiris kóleminiń qysqarýyna baılanysty eksport teris dınamıkany kórsetetinin atap ótti.
«Bizdiń jańartylǵan boljamymyzǵa sáıkes, jyldyq ınflıatsııa 2020 jyldyń sońyna qaraı 8% quraıdy, ıaǵnı buryn jarııalanǵan 8-8,5% aralyǵynda tómengi shekke jaqyn bolady. Inflıatsııalyq protsester azyq-túlik baǵalarynyń úzdiksiz ósýine baılanysty. Sonymen qatar, aqyly qyzmetter baǵasynyń ósý múmkindigimen baılanysty ınflıatsııalyq táýekelderdiń paıda bolý yqtımaldylyǵy bar. Desekte, halyqtyń naqty aqshalaı kiristeriniń álsiz dınamıkasy men álemdik azyq-túlik taýarlarynyń baǵasy tómendeıdi dep kútilýde. ıAǵnı, bul 2020 jyly ınflıatsııanyń ósýin shekteıdi», - dedi Aqyljan Baımaǵambetov.
Onyń aıtýynsha, 2021 jyldyń aıaǵynda ınflıatsııa birtindep baıaýlap, 4-6 %-dyq deńgeıde turaqtanatynyn tilge tıek etti.
«Inflıatsııanyń edáýir baıaýlaýy 2021 jyly respýblıkalyq bıýdjettiń joǵary tapshylyǵymen jáne 2020 jylǵa qaraǵanda syrtqy ınflıatsııalyq fonnyń shamaly ósýimen shekteledi»,– dedi ol.