Jalpy egistik alqabyndaǵy astyq úlesin 52 paıyzǵa deıin qysqartý kózdelýde - AShM
ASTANA. 16 naýryz. QazAqparat - Respýblıkanyń jalpy dándi-daqyldar alqabyndaǵy bıdaı egistikteriniń úlesin 52 paıyzǵa deıin qysqartý kózdelýde.
Bul týraly búgin «KAZGRAIN-2012» V qazaqstandyq astyq forýmy barysynda QR Aýyl sharýashylyǵy vıtse-mınıstri Músilim Ómirıaev aıtty.
Elimizde astyqty kepildikpen satyp alýdy qamtamasyz etý jáne aýyl sharýashylyǵy tehnıkalarynyń parkin jańartýǵa arnalǵan lızıngtik baǵdarlamalardy arzandatý baǵytyndaǵy jumystar qolǵa alynatynyn atap ótken ol: «Jalpy egistik alqaptary qurylymyndaǵy bıdaı egistiginiń kólemin ǵylymı turǵyda negizdep, birte-birte tómendetý mindeti tur. Búgingi tańda astyq alqaptarynyń úlesi 65 paıyzdy quraıdy. Biz birtindep bul úlestiń kólemin 52 paıyzǵa deıin tómendetkimiz keledi», - dedi.
Bul rette vıtse-mınıstrdiń atap ótýinshe, qysqartýǵa jatatyn egistik alqaptaryna dándi jáne maıly daqyldardy sebý kózdeledi.
