Jalpy bilim berý mekemelerine ınformatıka pániniń engizilgenine 25 jyl toldy
ALMATY. Qyrkúıektiń 1-i. QazAqparat /Erlik Erjanuly/ - 25 jyl buryn bilim berý salasynda aqparattyq tehnologııalar engizile bastaǵan kezde osynsha ornyqty,
qyzyqty bolatynyna eshkim kúmándanǵan joq. Bul jaıly búgin Almatyda «Bilim men ǵylymdaǵy aqparattyq tehnologııa jáne matematıkalyq modeldeý» dep atalatyn V halyqaralyq ǵylymı- ádistemelik konferentsııada aıtyldy.
«Ol kezde aqparattyq tehnologııa týraly osyndaı halyqaralyq konferentsııalar uıymdastyrylatyny oıǵa kirmeıtin. Qazir biz aqparattyq tehnologııalarsyz búgingi zamandy kózge elestete de almaımyz», deıdi Abaı atyndaǵy Qazaq ulttyq pedagogıkalyq ýnıversıtetiniń ǵylym isteri jónindegi prorektory Vladımır Kosov. Onyń aıtýynsha, dástúrli bul konferentsııada ǵalymdar aqparattyq tehnologııa salalarynyń qazirgi zamanǵy damý baǵyttaryn taldaıtyn bolady. Sondaı-aq onyń ózekti máselelerin talqylap, tájirıbelerdi ortaǵa salady.
