Jalpy bilim beretin pánderdiń respýblıkalyq olımpıadasyna 2 myń bala qatysady - QR BǴM
QR bilim jáne ǵylym mınıstrligi baspasóz qyzmetiniń málimetteri boıynsha, olımpıadanyń qorytyndy kezeńi 18 sáýirde bastalyp, 23 sáýirge deıin jalǵasady.
1 107 oqýshy jaratylystaný-matematıkalyq baǵyttaǵy pánder, al 963 oqýshy qoǵamdyq-gýmanıtarlyq baǵyttaǵy pánder boıynsha synǵa túsedi.
«Qorytyndy kezeń olımpıadanyń barlyq aldyńǵy kezeńderi sııaqty Oqylyq.kz platformasynda elektrondy formatta ótedi. Ózderińiz baıqap otyrǵandaı, Bilim jáne ǵylym mınıstri UBT, olımpıada jáne basqa da synaqtardy ótkizýdiń ashyqtyǵyna úlken mán beredi. Byltyr biz alǵash ret respýblıkalyq kezeńdi elektrondy formatqa kóshirdik. Biraq oblystyq kezeńde zııatkerlik jarystar qaǵaz túrinde ótkizilgendikten, onyń qorytyndysyna ata-analar tarapynan shaǵymdar tústi. Endi oqýshylar arasyndaǵy respýblıkalyq olımpıadanyń barlyq kezeńin ótkizý protsesiniń ashyqtyǵyn qamtamasyz etý maqsatynda saıystar elektrondy formatta ótkiziledi. Bul tapsyrmalardyń jarııalanyp ketý jáne belgili bir qatysýshylardyń múddesin qoldaý qaýpin azaıtady. Byltyr halyqaralyq olımpıadalarda rekordtyq medalǵa qol jetkizdik. Árıne, bul ádil irikteýdiń arqasy. Endi osy jetistikterdi odan saıyn kóbeıtý úshin aýqymdy jumys atqaramyz. Tórtinshi kezeńniń jeńimpazdary olımpıadalyq rezervke ótedi jáne olar úshin oqý-jattyǵý jıyndary uıymdastyrylatynyn eskertemin. Nátıjesinde IMO sııaqty aýqymdy halyqaralyq olımpıadalarda Qazaqstannyń namysyn qorǵaıtyn Ulttyq qurama jasaqtalady», - dedi QR BǴM «Daryn» respýblıkalyq ǵylymı-praktıkalyq ortalyǵynyń dırektory Tımýr Nurkeshov.
Olımpıadany ashyq, ádil ótkizý úshin protsess onlaın-rejımde beınebaqylaý júıesimen qamtamasyz etiledi. Sonymen qatar jarysty múddeli emes tulǵalar, onyń ishinde «Adaldyq alańy» jobalyq keńsesiniń qyzmetkerleri, ata-analar komıtetiniń ókilderi, jýrnalıster, ǵalymdar men JOO oqytýshylary baqylaıdy.
Esterińizge sala keteıik, olımpıadanyń mektep kezeńine 16 pán boıynsha 266 805 oqýshy, aýdandyq kezeńde 96 443, oblystyq kezeńde 14 369 oqýshy qatysty.
«Olımpıada jeńimpazdary men júldegerleri týraly tolyq aqparat https://daryn.kz saıtynda ornalastyrylady»,-delingen habarlamada.
