Jalpyǵa ortaq deklaratsııalaý: Taksı qyzmetin kórsetetinder neni bilýi qajet
Taksı qyzmetin kórsetip tabys taýyp júrgen azamattar da jalpyǵa ortaq deklaratsııadan ótýi tıis. Bul týraly Memlekettik kirister komıteti Óndiristik emes tólemderdi, jeke tulǵalardy jáne arnaýly salyqtyq rejımderdi ákimshileý departamentiniń dırektory Nurjan Qýandyqov aıtty, dep habarlaıdy Kazinform.
Onyń atap ótýinshe, elimizde kez kelgen kásipkerlik qyzmet mindetti túrde tirkelýi tıis.
«Buǵan deıin de jaldamaly jumysshylary joq, shaǵyn bızneske jatatyn azamattar úshin biz arnaýly mobıldi qosymsha syndy arnaıy salyq rejımin qarastyrǵanymyzdy aıtqan edik. Demek, taksı qyzmetin kórsetetinder úıden shyqpastan-aq mobıldi qosymsha arqyly tirkelip, salyq tóleı alady. Buǵan qosa, búginde Memlekettik kirister komıteti ıAndeksTaksımen birge ilki jobany júzege asyryp jatyrmyz. Olar osy ilki jobaǵa qatysa alady», - dedi Nurjan Qýandyqov agenttik tilshisiniń saýalyna oraı.
Onyń atap ótýinshe, «kiris» týraly deklaratsııa tapsyrýdyń úshinshi kezeńinde 2024 jylǵy 1 qańtarynan bastap zańdy tulǵalardyń quryltaıshylary (qatysýshylary), jeke kásipkerlerdiń basshylary, sondaı-aq olardyń jubaılary (zaıyby) tapsyrady.
«Eger taksı qyzmetin kórsetýshi osy sanattyń birine kiretin bolsa, onda ol týraly málimetti bilemiz. ıAǵnı taksı qyzmetin kórsetýshi jeke kásipker bolsa, onda 2023 jyly jalpyǵa ortaq deklaratsııalaý júıesine enedi. Ol týraly málimetterdi 2024 jáne 2024 jyldardyń qorytyndysyn alamyz», - dedi ol.
Departament basshysynyń aıtýynsha, elimizde qolaıdy salyq rejimi bar. Onyń aıasynda azmat qyzmet kórsetip 1-3 paıyz mólsherinde ǵana salyq tóleı alady. Al azamattardyń jasyryn qyzmeti anyqtalǵan jaǵdaıda tabysynyń 10 paıyzyn tóleýine týra keledi.
